अमेरिकेची भारताला रशियन तेल घेण्यास 30 दिवसांची 'तात्पुरती परवानगी'; अमेरिका म्हणतो, 'ट्रम्प यांच्या धोरणांमुळे आम्हाला पूर्ण खात्री, भारत आता आमच्याकडून तेल खरेदी वाढवेल'

'हॉर्मुझची सामुद्रधुनी' (Strait of Hormuz) हा महत्त्वाचा मार्ग धोक्यात आल्यामुळे जागतिक बाजारपेठेत तेलाचा प्रवाह सुरळीत राहावा, यासाठी अमेरिकेने हे पाऊल उचलले आहे.

US on Russian oil to India

Source : ABP Majha

US on Russian oil to India: अमेरिकेच्या ट्रेझरी विभागाने (US Treasury Department) भारतीय रिफायनरीजना रशियन तेल खरेदी करण्यासाठी 30 दिवसांची परवानगी दिली आहे. ही मुदत 4 एप्रिल २०२६ रोजी संपणार आहे. इराण आणि इस्रायल-अमेरिका यांच्यात सुरू असलेल्या युद्धामुळे जागतिक तेल पुरवठा विस्कळीत होण्याची भीती निर्माण झाली आहे. 'हॉर्मुझची सामुद्रधुनी' (Strait of Hormuz) हा महत्त्वाचा मार्ग धोक्यात आल्यामुळे जागतिक बाजारपेठेत तेलाचा प्रवाह सुरळीत राहावा, यासाठी अमेरिकेने हे पाऊल उचलले आहे. ही सवलत सरसकट सर्व रशियन तेलासाठी नाही. जी जहाजे 5 मार्च 2026 पूर्वी रशियातून निघाली होती आणि सध्या समुद्रात अडकली आहेत (Stranded at sea), फक्त त्याच मालाची खरेदी भारताला करता येणार आहे.

President Trump’s energy agenda has resulted in oil and gas production reaching the highest levels ever recorded.

To enable oil to keep flowing into the global market, the Treasury Department is issuing a temporary 30-day waiver to allow Indian refiners to purchase Russian oil.…

— Treasury Secretary Scott Bessent (@SecScottBessent) March 6, 2026

रशियाचा आर्थिक फायदा रोखण्याचा प्रयत्न

अमेरिकेचे ट्रेझरी सचिव स्कॉट बेसेन्ट (Scott Bessent) यांनी स्पष्ट केले की, हा एक 'शॉर्ट टर्म' मार्ग आहे. यामुळे रशियाला मोठा आर्थिक फायदा होणार नाही, कारण हे तेल आधीच जहाजांवर चढवण्यात आलेले आहे. स्कॉट बेसेन्ट यांनी ट्विट करत म्हटलं आहे की, राष्ट्राध्यक्ष ट्रम्प यांच्या ऊर्जा धोरणामुळे अमेरिका आता इतिहासातील सर्वाधिक तेल आणि वायू उत्पादन करणारा देश बनला आहे. जागतिक बाजारपेठेत तेलाचा पुरवठा सुरळीत राहावा, यासाठी अमेरिकेच्या ट्रेझरी विभागाने (Treasury Department) भारतीय तेल शुद्धीकरण कंपन्यांना रशियन तेल खरेदी करण्यासाठी ३० दिवसांची तात्पुरती सवलत (Waiver) दिली आहे. हा निर्णय जाणीवपूर्वक अतिशय कमी कालावधीसाठी घेण्यात आला आहे, जेणेकरून रशियाला याचा मोठा आर्थिक फायदा होणार नाही. ही सवलत केवळ अशाच रशियन तेलासाठी आहे, जे सध्या समुद्रात जहाजांवर अडकून पडले आहे.

भारत आता अमेरिकेकडून होणारी तेल खरेदी वाढवेल

स्कॉट बेसेन्ट यांनी पुढे म्हटलं आहे की, भारत हा अमेरिकेचा एक अत्यंत महत्त्वाचा भागीदार आहे. आम्हाला पूर्ण खात्री आहे की, भारत आता अमेरिकेकडून होणारी तेल खरेदी वाढवेल. इराणने जागतिक ऊर्जा पुरवठ्याला 'ओलीस' ठेवण्याचा जो प्रयत्न केला आहे, त्यातून निर्माण झालेला दबाव कमी करण्यासाठी ही एक तात्पुरती व्यवस्था आहे."

इतर महत्वाच्या बातम्या