Pallavi Dey : बंगाली अभिनेत्री पल्लवी डे चे निधन, गळफास घेत केली आत्महत्या
Pallavi Dey : अभिनेत्री पल्लवी डे ने वयाच्या विसाव्या वर्षी तिचे जीवन संपवले आहे.
Pallavi Dey : बंगाली मनोरंजनसृष्टीतून एक वाईट बातमी समोर आली आहे. बंगाली अभिनेत्री पल्लवी डे (Pallavi Day) हिने गळफास घेत आत्महत्या केली आहे. पल्लवीने वयाच्या विसाव्या वर्षी तिचं जीवन संपवलं आहे. पल्लवीने आत्महत्या केल्यामुळे तिच्या चाहत्यांना मोठा धक्का बसला आहे.
पोलीसांचा तपास सुरू
अभिनेत्री पल्लवी डे हिने गळफास घेत आत्महत्या केली आहे. रविवारी (15 मे) रोजी सकाळी पल्लवीचा मृतदेह घराच्या छताला लटकलेल्या अवस्थेत आढळून आला आहे. पल्लवीने राहत्या घरी गळफास घेत आत्महत्या केली आहे. सध्या पोलिस या संपूर्ण प्रकरणाचा तपास करत आहेत. तसेच पल्लवीचा मृतदेह पोस्टमार्टमसाठी पाठवण्यात आला आहे.
पल्लवीला घराच्या छताला लटकलेले पाहून तिच्या कुटुंबियांनी तिला रुग्णालयात नेले. पण डॉक्टरांनी लगेचच तिला मृत घोषित केलं. या संपूर्ण प्रकरणाचा कोलकाता पोलीस तपास घेत आहेत. पल्लवीच्या मृत्यूचा बंगाली मनोरंजनसृष्टीतून शोक व्यक्त केला जात आहे. पल्लवीची सहकलाकार अनामित्रा बतबयाल म्हणाली, मला काहीच कळत नाही आहे. पल्लवी आणि मी 12 मे ला एकत्र शूटिंगदेखील केलं होतं. आमच्यात बोलणंदेखील झालं होतं. त्यामुळे माझा या बातमीवर विश्वास बसत नाही आहे."
Popular Bengali TV actress Pallabi Dey found hanging at her rented apartment in South Kolkata: Police
— Press Trust of India (@PTI_News) May 15, 2022
'मोन माने ना' (Mon Mane Na) या छोट्या पडद्यावरील कार्यक्रमात पल्लवी डे मुख्य भूमिकेत होती. पल्लवी बंगाली टीव्ही इंडस्ट्रीतील लोकप्रिय अभिनेत्री आहे. 'Resham Jhanpi' या मालिकेमुळे पल्लवीला चांगलीच लोकप्रियता मिळाली होती. पल्लवीचा चाहतावर्गदेखील मोठा आहे. तिच्या अभिनयाला आणि तिने साकारलेल्या पात्रांना प्रेक्षकांचा उत्तम प्रतिसाद मिळाला आहे.
पल्लवीला 'रेशम झंपी' या मालिकेमुळे लोकप्रियता मिळाली होती. त्यानंतर तिने 'अमी सिराजर बेगम' या मालिकेत काम केले. या मालिकेत सीन बनर्जी मुख्य भूमिकेत होत्या. ही मालिका प्रेक्षकांच्या पसंतीस उतरली नसली तरी या मालिकेमुळे पल्लवी घराघरांत पोहचली.
पल्लवी पंख्याला लटकलेल्या अवस्थेत होती. त्यामुळे तिला लगेचच बांगुर रुग्णालयात नेण्यात आले. मात्र रुग्णालयात पोहोचण्यापूर्वीच तिचा मृत्यू झाला होता. त्यामुळे रुग्णालयाने तिला मृत घोषित केलं.
संंबंधित बातम्या