Aryan Khan : आर्यन खान सोशल मीडियावर बॅक; सुहानासाठी केली खास पोस्ट

Aryan Khan : आर्यन खानने सहा महिन्यांनंतर आता 'द आर्चीज'चे पोस्टर शेअर केलं आहे.

Aryan Khan

Aryan Khan : शाहरुख खानचा (Shahrukh Khan) मुलगा आर्यन खानने (Aryan Khan) सहा महिन्यांनंतर त्याची पहिली पोस्ट शेअर केली आहे. आर्यनने खास सुहाना खानसाठी (Suhana Khan) पोस्ट शेअर केली आहे. सुहाना खान झोया अख्तरच्या 'द आर्चीज' (The Archies) या सिनेमाच्या माध्यमातून बॉलिवूडमध्ये पदार्पण करत आहे. त्यामुळे आर्यन खानने सुहानाला शुभेच्छा देणारी पोस्ट शेअर केली आहे. 

आर्यन खानने 'द आर्चीज' सिनेमाचे पोस्टर शेअर करत सहा महिन्यांनंतर त्याची पहिली पोस्ट शेअर केली आहे. सुहाना खान व्यतिरिक्त या सिनेमाच्या माध्यमातून बोनी कपूर यांची मुलगी खुशी कपूर आणि अमिताभ बच्चन यांचा नातू अगस्त्य नंदादेखील बॉलिवूडमध्ये पदार्पण करत आहे. 

आर्यन खानने पोस्टमध्ये काय लिहिले आहे?

आर्यन खानने त्याच्या इन्स्टा स्टोरीवर 'द आर्चीज' सिनेमाचे पोस्टर शेअर केले आहे. हे पोस्टर शेअर करत त्याने लिहिले आहे, या सिनेमासाठी सुहानाला शुभेच्छा. टीझर तर चांगलाच झाला आहे. टीझरमध्ये प्रत्येकाने चांगलं काम केलं आहे, याचा अंदाज येत आहे. हा सिनेमा चांगलाच धुमाकूळ घालणार आहे. शाहरुखने याआधी एक पोस्ट शेअर करत मुलीचे अभिनंदन केले होते. तसेच तिला सल्लादेखील दिला होता. 

आर्यन सोशल मीडियापासून दूर का होता?

आर्यनचे नाव गेल्या वर्षी ऑक्टोबरमध्ये ड्रग्ज प्रकरणात समोर आले होते. त्यानंतर त्याला एनसीबीने अटकही केली होती. त्यामुळे त्याला एक महिना तुरुंगात घालवावा लागला होता. त्यानंतर त्याला जामीनदेखील मिळाला. या संपूर्ण प्रकारामुळे त्याने स्वत:ला सोशल मीडियापासून दूर ठेवले होते. 

'द आर्चीज'चे दिग्दर्शन झोया अख्तर करत आहे, तर रीमा कागती या चित्रपटाची निर्मिती करत आहेत. हा सिनेमा नेटफ्लिक्स या ओटीटी प्लॅटफॉर्मवर प्रदर्शित होणार आहे.  'द आर्चीज' या चित्रपटात अगस्त्य नंदा आर्ची एंड्रयूज, खुशी कपूर बेट्टी कपूर आणि सुहाना खान वेरोनिका लॉजच्या भूमिकेत दिसणार असल्याचं समोर आलं आहे. अद्याप याबाबत अधिकृत घोषणा झालेली नाही.

संबंधित बातम्या