एक्स्प्लोर

मौलाना आझाद यांच्या जीवनावर आधारित चित्रपटाचा ट्रेलर प्रदर्शित

या चित्रपटात मौलाना आझाद यांच्या जीवनातील महत्वांच्या घटनांना आधोरेखित करण्यात आलं आहे.

Written By : एबीपी माझा वेब टीम | Updated at : 13 Jan 2019 10:17 AM (IST)

Maulana azad biopic trailer launched मौलाना आझाद यांच्या जीवनावर आधारित चित्रपटाचा ट्रेलर प्रदर्शित

मुंबई : स्वतंत्र भारताचे पहिले शिक्षणमंत्री मौलाना आझाद यांच्या जीवनावर आधारित 'वो जो था एक मसीहा-मौलाना आझाद' या चित्रपटाचा ट्रेलर नुकताच प्रदर्शित झाला आहे. राजेंद्र संजय यांनी हा चित्रपट दिग्दर्शित केला आहे. या चित्रपटात मौलाना आझाद यांच्या जीवनातील महत्वांच्या घटनांना आधोरेखित करण्यात आलं आहे. मौलाना आझाद यांना सर्व समाजांमध्ये एकता नांदावी असं वाटायचं. त्यांच देशासाठी खूप मोठं योगदान होतं. या सर्व बाबी देशासमोर यायला पाहिजे म्हणून हा चित्रपट बनवण्यात आला आहे, असं 'वो जो था एक मसीहा-मौलाना आझाद' या चित्रपटाचे दिग्दर्शक राजेंद्र संजय म्हणाले. ट्रेलर लाँचींगच्या कार्यक्रमात ते बोलत होते. 18 जानेवारी रोजी देशभरात हा चित्रपट प्रदर्शित होणार आहे. खूप कमी लोकांना मौलाना आझाद यांच्या लहानपणाबद्दल त्यांच्या देशासाठीच्या योगदानांबद्दल माहीत आहे. मौलाना आझाद प्रखर आणि निष्पक्ष होते, ते धर्मापेक्षा मानवतेवर जास्त प्रभावित होते, हे मला एका संशोधनात अढळले, असे राजेंद्र संजय म्हणाले. त्यांच्या अगळ्यावेगळ्या व्यक्तीमत्वाला देशासमोर आणलं पाहिजे, असेही ते म्हणाले. मौलाना अबुल कलाम आझाद हे देशाचे पहिले शिक्षण मंत्री होते. देशाला स्वतंत्र्य करण्यामध्ये त्यांचा महत्वाचा वाटा होता. या चित्रपटाला सेन्सॉर बोर्डाने कोणताही कट न सुचवता 'यू' प्रमाणपत्र दिला आहे. सध्या भारतात बायोपिकचं ट्रेंड सुरु आहे. नुकतंच माजी पंतप्रधान मनमोहन सिंग यांच्या जीवनावर आधारित 'द एक्सिडेंटल प्राइम मिनिस्टर' प्रदर्शित झाला आहे. या चित्रपटावरुन चांगलाच गदारोळ माजला होता. मात्र पहिल्याचं दिवशी या चित्रपटाने चार कोटी रुपयांची कमाई केली होती. तर लवकरच पंतप्रधान नरेंद्र मोदी आणि बाळासाहेब ठाकरे यांच्या जीवनावर आधारित चित्रपट येत आहे. बॉलिवूडमधील गेल्या काही वर्षांत गाजलेले बायोपिक