Malaika Arora: 'अपघातानंतर डोळे उघडताच...'; मलायकानं सांगितला थरारक अनुभव
'मूव्हिंग इन विथ मलायका' (Moving In With Malaika) हा कार्यक्रम प्रेक्षकांच्या भेटीस आला आहे. मलायकानं (Malaika Arora) तिच्या वैयक्तिक आयुष्याबद्दल या शोमध्ये चर्चा केली.
Malaika Arora: अभिनेत्री मलायका आरोरा (Malaika Arora) सध्या तिच्या 'मूव्हिंग इन विथ मलायका' (Moving In With Malaika) या कार्यक्रमामुळे चर्चेत आहे. हा शो ओटीटीवर स्ट्रिम होत आहे. काल या कार्यक्रमाचा पहिला एपिसोड प्रेक्षकांच्या भेटीस आला. मलायकानं तिच्या वैयक्तिक आयुष्याबद्दल या शोमध्ये चर्चा केली. शोमध्ये फराह खानसोबत चर्चा करताना मलायकानं तिच्या अपघाताबद्दल सांगितलं. यावेळी तिनं सांगितलं की, अपघातानंतर डोळे उघडताच तिला अरबाजचा चेहरा दिसत होता.
कार अपघातानंतरची आठवण मलायकानं सांगितली. ती म्हणाली, 'त्या क्षणानंतर मी खचले होते. मला वाटलं की त्या क्षणी माझी दृष्टी गेली आहे कारण अपघातानंतर दोन तासात मला काहीच दिसत नव्हते. एका काचेचा तुकडा माझ्या डोळ्यात गेला होता. त्यामुळे रक्त येत होतं. त्या क्षणाला मला खरोखरच वाटले की मी जिवंत राहू शकत नाही, मी अरहानला पुन्हा भेटू शकत नाही. मला हॉस्पिटलमध्ये नेण्यात आले, शस्त्रक्रिया झाली'
पुढे मलायकानं सांगितलं. 'जेव्हा शस्त्रक्रियेनंतर मला बाहेर आणण्यात आलं तेव्हा मला डोळे उघडताच पहिला चेहरा मला अरबाजचा दिसला. मला दिसलं की तो मला विचारतोय, तुम्हाला काय दिसत आहे? ते पाहून मी थक्क झाले. मला वाटत होतं की भूकाळात गेले आहे. '
View this post on Instagram
मलायकाचा अपघात 2 एप्रिल रोजी झाला. या अपघातात मलायकाला दुखापत झाली होती. मलायका आणि अभिनेता अरबाज खान यांनी लग्नानंतर 19 वर्षांनी घटस्फोट घेण्याचा निर्णय घेतला होता. 1998 साली अरबाज आणि मलायकाचे लग्न झाले. त्यानंतर 2017 मध्ये त्यांचा घटस्फोट झाला. सध्या मलायका अर्जुन कपूरला डेट करत आहे.
वाचा इतर महत्वाच्या बातम्या:
Before You Go
Mann Suddha Tujha Season 3 : युरेका...युरेका | मन सुद्ध तुझं | Episode 3 | ABP Majha
महत्त्वाच्या बातम्या
