Baipan Bhaari Deva: 'सहा लक्ष्मींच्या पावलाने चित्रपटगृहात...'; केदार शिंदे यांची खास पोस्ट

Baipan Bhaari Deva: केदार शिंदे यांनी नुकतीच एक खास पोस्ट शेअर केली आहे.  

Baipan Bhaari Deva, Kedar Shinde

Baipan Bhaari Deva: केदार शिंदे (Kedar Shinde) यांनी दिग्दर्शित केलेल्या 'बाईपण भारी देवा' (Baipan Bhaari Deva) या चित्रपटानं बॉक्स ऑफिसवर कोट्यवधींची कमाई केली आहे. या चित्रपटात सहा महिलांची कथा दाखवण्यात आली आहे. अनेक सेलिब्रिटींनी तसेच प्रेक्षकांनी या चित्रपटाचे कौतुक केले. या चित्रपटानं स्वातंत्र्य दिनाला देखील कोट्यवधींची कमाई केली आहे. याबाबत केदार शिंदे यांनी नुकतीच एक खास पोस्ट शेअर केली आहे.  

केदार शिंदे यांची पोस्ट

केदार शिंदे यांनी पोस्टमध्ये लिहिलं, 'भारतमाता की जय... बाईपण भारी देवा या सिनेमाने आणखी भरारी मारली.. खऱ्या अर्थाने मराठी चित्रपटसृष्टी स्वतंत्र झाली. सहा लक्ष्मींच्या पावलाने चित्रपटगृहात गर्दी सुरू झाली आणि ती इतर सिनेमांनाही फायद्याची ठरली!! एक स्त्री घर चालवते तर, सिनेमा नक्कीच चालवू शकते. याची ग्वाही या सिनेमाच्या निमित्ताने दिली गेली. लवकरच 50 वा दिवस साजरा करू. सहकुटुंब सहपरिवार आता गर्दी होते आहे. पुढची वाटचाल सोपी नाही पण अवघडही नाही. कारण तुम्ही सोबत आहात. श्री स्वामी पाठीशी आहेत. आणि श्री सिद्धिविनायकाचा महाप्रसाद टप्प्या टप्यावर मिळतो आहे.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Kedar Shinde (@kedarshindems)

अभिनेत्री सोनाली बेंद्रेनं देखील बाईपण भारी देवा या चित्रपटासाठी एक खास पोस्ट शेअर केली आहे. या पोस्टला तिनं कॅप्शन दिलं, 'खरंच बाईपण लय भारी'

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonali Bendre (@iamsonalibendre)

बाईपण भारी देवा चित्रपटाची स्टार कास्ट

स्वातंत्र्य दिनीला बाईपण भारी देवा या चित्रपटानं 76.05 कोटींची आकडा पार केला आहे. बाईपण भारी देवा या चित्रपटात  रोहिणी हट्टंगडी (Rohini Hattangadi), वंदना गुप्ते (Vandana Gupte), सुकन्या मोने (Sukanya Mone), सुचित्रा बांदेकर (Suchitra Bandekar), शिल्पा नवलकर (Shilpa Navalkar) आणि दीपा परब (Deepa Parab) या अभिनेत्रींनी   प्रमुख भूमिका साकारली आहे.  

इतर महत्वाच्या बातम्या: