Elnaaz Norouzi Happy On Ayatollah Khomeini Death: खामेनींच्या मृत्यूनंतर बॉलिवूड अभिनेत्रीचा आनंद गगनात मावेनासा; VIDEO शेअर करत म्हणाली, 'देव खूप महान...'
Elnaaz Norouzi Happy On Ayatollah Khomeini Death: जॉन अब्राहमसोबत 'तेहरान' सिनेमात दिसलेली बॉलिवूड अभिनेत्री एलनाज नौरोजीनं खामेनी यांच्या मृत्यूवर आनंद व्यक्त केलाय. अभिनेत्रीनं यासंदर्भात सोशल मीडियावर पोस्ट केली आहे.
Elnaaz Norouzi Happy On Ayatollah Khomeini Death: इराणवरील इस्रायली-अमेरिकन क्षेपणास्त्र हल्ल्यात इराणचे सर्वोच्च नेते अयातुल्ला अली खामेनी (Ali Hosseini Khamenei) ठार झाल्याची बातमी आली आणि सगळीकडे वाऱ्यासरखी पसरली. या बातमीनं संपूर्ण जग हादरलं, सगळीकडे गोंधळ पसरला. अनेक ठिकाणी खामेनींच्या मृत्यूवर शोक व्यक्त करण्यात आला. दरम्यान, एका बॉलिवूड अभिनेत्रीनं (Bollywood Actress) मात्र, खामेनींच्या मृत्यूवर आनंद व्यक्त केला आहे. तिनं इन्स्टाग्रामवर एक व्हिडीओ शेअर करत देवाचे आभार मानले आहेत.
जॉन अब्राहमसोबत 'तेहरान' सिनेमात दिसलेली बॉलिवूड अभिनेत्री एलनाज नौरोजीनं खामेनी यांच्या मृत्यूवर आनंद व्यक्त केलाय. अभिनेत्रीनं यासंदर्भात सोशल मीडियावर पोस्ट केली आहे. शेअर केलेल्या एका व्हिडीओमध्ये तिनं खामेनींच्या मृत्यूवर आनंद व्यक्त केलाय. महत्त्वाची बाब म्हणजे, एलनाज नौरोजी मूळची इराणची आहे. तिचा जन्म तेहरानमध्येच झालेला. तिनं बॉलिवूडमध्ये एन्ट्री घेतली आणि त्यानंतर अनेक सिनेमे आणि सीरिजमध्ये दिसलीय.
खामेनी यांच्या निधनानंतर इराणमध्ये शोककळा पसरली आहे. तर, दुसरीकडे 'सेक्रेड गेम्स' फेम अभिनेत्रीनं आनंद व्यक्त केला आहे. तिनं एका वादग्रस्त आणि स्पष्ट वक्तव्यानं आपला आनंद व्यक्त केला आहे.
View this post on Instagram
खामेनींच्या मृत्यूवर अभिनेत्री एलनाज नौरोजी काय म्हणाली? (US Israel strikes on Iran)
बॉलिवूड अभिनेत्री एलनाज नौरोजी गेल्या कित्येक दिवसांपासून इराणमध्ये मानवाधिकार आणि स्वातंत्र्यासाठी आवाज उठवत होती. अशातच खामेनींच्या मृत्यूची बातमी तिनं आपल्या सोशल मीडिया अकाउंटवर शेअर करत 'धन्यवाद', असं लिहिलंय. तिनं एका व्हिडीओ मेसेजमध्ये म्हटलंय की, ती आणि सर्व इराणी 47 वर्षांपासून या क्षणाची वाट पाहत होते. पुढे एलनाजनं लिहिलंय की, "देव खूप महान आहे, आम्हाला या बातमीवर विश्वास बसत नाहीय..."
व्हिडीओमध्ये बोलताना अभिनेत्री एलनाज नौरोजी म्हणाली की, "आपण एका हुकूमशहाच्या मृत्यूचा आनंद साजरा करत आहोत. खामेनी गेले आहेत." त्यासोबत तिनं टाळ्या आणि हार्ट इमोजी शेअर केलेत.
महत्त्वाच्या इतर बातम्या :
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
