'आम्ही एकमेकांसाठी बनलेलो नाही', लग्नाच्या तिसऱ्याच दिवशी विजय अन् रश्मिका असं का म्हणाले?
Rashmika Mandanna Vijay Deverakonda bridal advertisement viral video: रश्मिका मंदाना आणि विजय देवरकोंडा विवाहबंधनात अडकले असून त्यांचे फोटो सोशल मीडियावर व्हायरल झाले आहेत.
Truth behind Rashmika Vijay shocking statement after marriage: साऊथ सुपरस्टार रश्मिका मंदाना आणि विजय देवरकोंडा अखेर लग्नबंधनात अडकले आहेत. त्यांच्या लग्न सोहळ्यातील व्हिडिओ आणि फोटो सोशल मीडियात व्हायरल होत आहे. दोघांच्या फोटोंवर चाहत्यांनी कमेंट करुन शुभेच्छांचा वर्षाव केला. दोघांच्या राजेशाही लूकवर चाहते फिदा झाले आहेत. दरम्यान, लग्नाच्या तीन दिवसांनंतर या कपलने एक धक्कादायक वक्तव्य केलं. यामुळे अनेकांच्या भुवया उंचावल्या आहेत. 'आम्ही एकमेकांसाठी बनलो नाही', असं दोघांनी म्हटलं आहे. त्यांनी असं नेमकं का म्हटलं? असा प्रश्न चाहते तसेच नेटकऱ्यांकडून उपस्थित केला जात आहे. दरम्यान, दोघांनी जाहीरातीसाठी असं म्हटलं असल्याचं समोर आलं आहे. सध्या त्यांनी शूट केलेली जाहीरात सोशल मीडियात व्हायरल होत आहे.
रश्मिका मंदाना आणि विजय देवरकोंडा यांची एक जाहिरात सध्या सोशल मीडियात तुफान व्हायरल होत आहे. या जाहिरातीच्या शूटची झलक अभिनेत्रीनं शेअर केलेल्या व्हिडिओतून पाहायला मिळत आहे. या जाहिरातीत, रश्मिका लाल रंगाच्या लेहेंग्यात खूपच सुंदर दिसत आहे. तर, विजय क्रीम रंगाच्या शेरवानीत देखणा दिसत आहे. दोघांमधील केमिस्ट्री उत्तम दिसत आहे. या जाहिरातीत दोघेही गाणे गाताना, एकमेकांबद्दल नाराजी व्यक्त करताना दिसत आहेत. आम्ही एकमेकांसाठी बनलेलो नाही, असं म्हणताना दिसत आहेत. त्यानंतर दोघेही - 'आपण एकमेकांसाठी बनलेलो आहोत', असं म्हणताना दिसत आहेत.
या जाहिरातीचा व्हिडिओ शेअर करताना रश्मिकाने तिच्या भावना कॅप्शनद्वारे व्यक्त केल्या, 'या जाहिरातीचा शूटिंग करताना आम्हाला सर्वात जास्त मजा आली. कारण सेटवर आम्ही दोघेच होतो. आम्ही तेच करत होतो, जे आम्हाला सर्वात चांगलं जमतं, ती गोष्ट म्हणजे.. मस्ती करणे.. कदाचित एकमेकांसाठी असणं, यालाच मेड फॉर इच अदर म्हणतात. ते आमच्यासारखे नव्हतं, कदाचित त्यामुळेच ते इतकं खास वाटलं. ही आमची छोटीशी कहाणी'. सध्या या जाहिरातीचा व्हिडिओ सोशल मीडियावर चांगलाच व्हायरल होत आहे.
ही जाहिरात डिजायनर ब्रायडल ब्रँडसाठी होते. यापूर्वी दोघेही एका आंघोळीच्या साबणाच्या जाहिरातीत दिसून आले होते. एका नवविवाहित जोडप्याची भूमिका साकारताना एकत्र दिसले होते. चाहत्यांना ती जाहिरात खूप आवडली होती. उदयपूर येथे पारंपारिक विवाह सोहळ्यानंतर हे जोडपे पुन्हा हैदराबादला परतले. नुकतंच त्यांनी तिरुमला तिरुपती देवस्थानम मंदिराला भेट दिली. मंदिरातून बाहेर पडताना ते खूप आनंदी दिसत होते. त्यांनी एकत्र येऊन अन्नदान केले तसेच मिठाई वाटप केली.
महत्त्वाच्या बातम्या
