Digpal Lanjekar: फर्जंद ते शेर शिवराज; दिग्पाल लांजेकर यांच्या ऐतिहासिक चित्रपटांनी प्रेक्षकांची मनं जिंकली
जाणून घेऊयात प्रसिद्ध दिग्दर्शक दिग्गपाल लांजेकर (Digpal Lanjekar) यांच्या चित्रपटांबद्दल...
Digpal Lanjekar: मराठी चित्रपटसृष्टीतील प्रसिद्ध दिग्दर्शक दिग्पाल लांजेकर (Digpal Lanjekar) यांच्या आगामी चित्रपटांची प्रेक्षक उत्सुकतेने वाट बघत असतात. शिवराज अष्टक या चित्रपटाच्या सीरिजमधील सुभेदार हा चित्रपट लवकरच प्रेक्षकांच्या भेटीस येणार आहे. दिग्पाल लांजेकर यांच्या ऐतिहासिक विषयावर आधारित असणाऱ्या चित्रपटांनी प्रेक्षकांची मनं जिंकली आहे. जाणून घेऊयात दिग्गपाल लांजेकर यांच्या चित्रपटांबद्दल...
फर्जंद (Farzand)
दिग्गपाल लांजेकर यांनी दिग्दर्शित केलेला फर्जंद हा चित्रपट 2018 मध्ये प्रेक्षकांच्या भेटीस आला. या चित्रपटात अभिनेता चिन्मय मांडलेकरनं छत्रपती शिवाजी महाराज यांची भूमिका साकारली. तसेच प्रसाद ओक, मृणाल कुलकर्णी, मृण्मयी देशपांडे,प्रवीण तरडे या कालाकारांनी देखील या चित्रपटात महत्वाची भूमिका साकारली.
फत्तेशिकस्त (Fatteshikas)
दिग्गपाल लांजेकर यांचा फत्तेशिकस्त हा चित्रपट 2019 मध्ये रिलीज झाला. या चित्रपटामधील कलाकांरांच्या अभिनयानं अनेकांची मनं जिंकली. चिन्मय मांडलेकर,अजय पूरकर, समीर धर्माधिकारी या कलाकरांनी या चित्रपटात प्रमुख भूमिका साकारली.
View this post on Instagram
पावनखिंड (Pawankhind)
शूरवीर बाजीप्रभू देशपांडे आणि बांदल सेनेच्या शौर्य, धैर्य आणि पराक्रमाचा त्रिवेणी संगम दर्शवणाऱ्या पावनखिंड सिनेमाला प्रेक्षकांचं भरभरुन प्रेम मिळालं. या चित्रपटात अजय पूरकर यांनी बाजीप्रभू देशपांडे यांची भूमिका साकारली. दिग्गपाल लांजेकर यांचा हा चित्रपट 2022 मध्ये रिलीज झाला.
View this post on Instagram
'शेर शिवराज' (Sher Shivraj)
अफजलखानाच्या वधाचा थरार 'शेर शिवराज' या चित्रपटात दाखवण्यात आला आहे. या चित्रपटामध्ये मुकेश ऋषी, मृणाल कुलकर्णी, अजय पूरकर, वर्षा उसगांवकर,समीर धर्माधिकारी, मृण्मयी देशपांडे, अक्षय वाघमारे, वैभव मांगले या कलाकारांनी या चित्रपटामध्ये प्रमुख भूमिका साकारली.
View this post on Instagram
सुभेदार (Subhedar)
दिग्पाल लांजेकर यांचा 'सुभेदार' हा चित्रपट लवकरच प्रेक्षकांच्या भेटीस येणार आहे. अजय पुरकर हे सुभेदार या चित्रपटात तानाजी मालुसरे यांची भूमिका साकारणार आहेत. 'सुभेदार' हा चित्रपट 25 ऑगस्ट रोजी प्रेक्षकांच्या भेटीस येणार आहे. दिग्पाल लांजेकर यांच्या या आगामी चित्रपटाची प्रेक्षक उत्सुकतेने वाट बघत आहेत.
View this post on Instagram
संबंधित बातम्या
Subhedar: हातात तलवार, नजरेत धगधगणारी आग; 'सुभेदार' चित्रपटातील अजय पुरकर यांच्या लूकनं वेधलं लक्ष
महत्त्वाच्या बातम्या
ट्रेंडिंग न्यूज
