Bajrangi Bhaijaan : सलमान खान आता 'पवन पुत्र भाईजान' होणार...'बजरंगी भाईजान' चा सिक्वेल येणार
Bajrangi Bhaijaan : 'बजरंगी भाईजान'चा सिक्वेल लवकरच प्रदर्शित होणार असून सध्या या सिनेमाच्या कथानकावर काम सुरू आहे.
Bajrangi Bhaijaan : 'बजरंगी भाईजान' सिनेमात सलमान खान (Salman Khan), करीना कपूर (Kareena Kapoor) हर्षाली मल्होत्रा (Harshali Malhotra) मुख्य भूमिकेत होते. या लोकप्रिय सिनेमाचा सिक्वेल येणार असल्याची घोषणा सलमान खानने नुकतीच केली होती. सध्या या सिनेमाच्या कथानकावर काम सुरू आहे. 'बजरंगी भाईजान' च्या सिक्वेलचे नाव 'पवन पुत्र भाईजान' असे असू शकते.
'बजरंगी भाईजान'चे दिग्दर्शन करणाऱ्या कबीर खानने यासंदर्भात माहिती दिली आहे. कबीर खान म्हणाले, 'बजरंगी भाईजान' चित्रपटाच्या सिक्वेलवर काम सुरू आहे. तसेच चित्रपटाची कथा चांगली असेल तरच त्याचा सीक्वल बनवला जाईल. बजरंगी भाईजान सिनेमाने बॉक्स ऑफिसवर चांगलाच धुमाकूळ घातला होता. या चित्रपटात सलमानशिवाय नवाजुद्दीन सिद्दीकीदेखील प्रमुख भूमिकेत होते. तसेच बालकलाकार हर्षाली मल्होत्राने या सिनेमाद्वारे बॉलिवूडमध्ये पदार्पण केले होते. हर्षाली मल्होत्राने सिनेमात मुन्नीची भूमिका साकारली होती.
सलमान खानचा 'बजरंगी भाईजान' 17 जुलै 2015 रोजी प्रदर्शित झाला होता. सलमान खान सध्या दिल्लीत कतरिना कैफसोबत त्याच्या आगामी 'टायगर 3' चित्रपटाचे शूटिंग करत आहे. हा सिनेमा वर्षाच्या अखेरीस प्रदर्शित होण्याची शक्यता आहे. याशिवाय तो शाहरुख खानचा चित्रपट 'पठाण' आणि आमिर खानचा चित्रपट 'लाल सिंह चड्ढा'मध्ये कॅमिओ करताना दिसणार आहे.
याआधी आरआरआर सिनेमाच्या प्रमोशन दरम्यान सलमान खाननं बजरंगी भाईजानच्या सिक्वेलबद्दल सांगितलं होतं. त्यावेळी चित्रपट निर्माता करण जोहरनं ही अधिकृत घोषणा आहे का? असा प्रश्न विचारला. यावर सलमाननं हो असे उत्तर दिलं.
संबंधित बातम्या
Saina Nehwal On Siddharth’s Tweet : सिद्धार्थच्या ट्वीटवर सायनाचं प्रतिउत्तर; म्हणाली, मला तो अभिनेता म्हणून आवडायचा पण...
Pushpa on OTT : अल्लू अर्जुनच्या पुष्पाचा 'या' दिवशी हिंदींत होणार प्रीमिअर
SS Rajamouli Film : एसएस राजामौलींच्या आगामी सिनेमाचा हिरो रणबीर कपूर? Alia Bhatt असू शकते हिरोईन!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
