AMKDT : अजय आणि तब्बूचा रोमान्स, 'औरों में कहां दम था' चित्रपटाची नवी रिलीज डेट जाहीर, ऑगस्टच्या पहिल्या आठवड्यात प्रेक्षकांच्या भेटीला
Auron Mein Kahan Dum Tha Release Date : 'औरों में कहां दम था' चित्रपटाची नवी रिलीज डेट समोर आली आहे. ऑगस्टच्या पहिल्या आठवड्यात हा चित्रपट प्रेक्षकांच्या भेटीला येणार आहे.
मुंबई : अभिनेता अजय देवगण आणि तब्बू सध्या त्यांच्या 'औरों में कहां दम था' (Auron Mein Kahan Dum Tha) या आगामी चित्रपटामुळे चर्चेत आहेत. या चित्रपटात अजय देवगण आणि तब्बू दोघांही रोमान्स करताना दिसणार आहेत. अजय देवगण आणि तब्बू दोघांची मैत्री साऱ्यांना माहित आहे. या दोघांनी अनेक चित्रपटांमध्ये काम केलं असून त्यांची जोडी प्रेक्षकांना खूप आवडते. आता पुन्हा एकदा ही जोडी रुपेरी पडद्यावर रोमॅन्टिक अंदाजात पाहायला मिळणार आहे. नुकतीच या चित्रपटाच्या नवीन रिलीज डेटची घोषणा करण्यात आली आहे.
अजय आणि तब्बूचा रोमान्स
अजय देवगण आणि तब्बू स्टारर बहुप्रतिक्षित चित्रपट 'औरों में कहाँ दम था' बद्दल चाहत्यांमध्ये खूप उत्सुकता आहे. या चित्रपटाच्या ट्रेलरपासूनच या चित्रपटाबाबत जोरदार चर्चा रंगली आहे. हा चित्रपट यापूर्वी 5 जुलै 2024 रोजी रिलीज होणार होता. मात्र, चित्रपटाच्या प्रदर्शनाची तारीख पुढे ढकलण्यात आली. अखेर चित्रपटाच्या मुख्य कलाकारांनी 'औरों में कहाँ दम था' ची नवीन रिलीज डेट जाहीर केली आहे. जाणून घेऊया अजय आणि तब्बूचा हा रोमँटिक ड्रामा मोठ्या पडद्यावर कधी येणार?
'औरों में कहाँ दम था' कधी रिलीज होणार? (Auron Mein Kahan Dum Tha)
फ्रायडे फिल्मवर्क्स कंपनी आणि रिलायन्स एंटरटेनमेंटकडून 'औरों में कहाँ दम था' चित्रपटाची निर्मिती करण्यात येत आहे. कंपनीने या चित्रपटाच्या रिलीज डेटची नवी घोषणा केली आहे. कंपनीने 3 जुलै रोजी इंस्टाग्रामवर एक नोट शेअर करत चित्रपटाच्या प्रदर्शनाची तारीख पुढे ढकलण्यात आल्याची घोषणा केली होती. यासोबतच लवकरच नवीन रिलीज डेट जाहीर करण्यात येईल, असंही सांगण्यात आलं होतं. तेव्हापासून चाहते याची वाट पाहत होते आणि आता अखेर चित्रपटाची नवीन रिलीज डेट जाहीर करण्यात आली आहे.
तब्बूची खास इंस्टाग्राम पोस्ट
अजय आणि तब्बूने इन्स्टाग्रामवर 'औरों में कहाँ दम था' चित्रपटाचे पोस्टर शेअर करून चित्रपट प्रदर्शित होण्याची नवी तारीख जाहीर केली आहे. 'औरों में कहाँ दम था'चित्रपट 2 ऑगस्ट 2024 रोजी सिनेमागृहात दाखल होणार आहे. तब्बूने इंस्टाग्राम पोस्टच्या कॅप्शनमध्ये लिहिलं आहे, 2 ऑगस्टला प्रतीक्षा संपेल!
शंतनू माहेश्वरी आणि सई मांजरेकर सहाय्यक भूमिकेत
'और में कहाँ दम था' हा नीरज पांडे दिग्दर्शित चित्रपट आहे. या चित्रपटात अजय देवगण, तब्बू आणि जिमी शेरगिल मुख्य भूमिकेत दिसणार आहेत. यासोबतच अभिनेता शंतनू माहेश्वरी आणि सई मांजरेकर सहाय्यक भूमिकेत दिसणार आहेत. या चित्रपटाचा पहिला टीझर व्हिडीओ 31 मे 2024 रोजी रिलीज झाला होता. दरम्यान, या चित्रपटातील गाण्यांना प्रेक्षकांनी चांगली पसंती दिल्याचं पाहायला मिळत आहे. आता हा चित्रपट प्रदर्शित झाल्यानंतर बॉक्स ऑफिसवर आपली जादू कशी चालवतो हे पाहावं लागणार आहे.
महत्त्वाच्या इतर बातम्या :
Karan Johar : बॉलिवूडमध्ये फक्त 10 अभिनेते कामाचे, तेही चंद्र-तारे मागतायत; फिल्म इंडस्ट्रीतील वाईट परिस्थितीवर करण जोहरने मौन सोडलं
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
