Ram Setu Trailer: प्रतीक्षा संपली! खिलाडी अक्षय कुमारच्या 'राम सेतू' चा ट्रेलर रिलीज; नेटकरी म्हणाले, 'अंगावर शहारे आले'
'राम सेतू' या चित्रपटाचा ट्रेलर प्रेक्षकांच्या भेटीस आला आहे. या ट्रेलरमधील डायलॉग्सनं अनेकांचे लक्ष वेधले आहे.
Ram Setu Trailer: बॉलिवूडमधील प्रसिद्ध अभिनेता अक्षय कुमारचा (Akshay Kumar) राम सेतू (Ram Setu) हा चित्रपट लवकरच प्रेक्षकांच्या भेटीस येणार आहे. या चित्रपटाचा टीझर काही दिवसांपूर्वी रिलीज झाला होता. या टीझरला नेटकऱ्यांची पसंती मिळाली. त्यानंतर नेटकरी या चित्रपटाच्या ट्रेलरची उत्सुकतेने वाट बघत होते. आता 'राम सेतू' या चित्रपटाचा ट्रेलर प्रेक्षकांच्या भेटीस आला आहे. या ट्रेलरमधील डायलॉग्सनं अनेकांचे लक्ष वेधले आहे.
ट्रेलरमध्ये दिसत आहे की, अक्षय हा एक आर्कियोलॉजिस्ट आहे, ज्याला राम सेतूबाबत संशोधन करण्याची जबाबदारी देण्यात आली आहे. ट्रेलर पाहून असं लक्षात येतं की, आर्कियोलॉजिस्टला राम सेतूबाबत माहिती मिळवताना कोणते अनुभव येतात. ट्रेलरच्या शेवटी अक्षय हा समुद्रातील एक दगड हातात घेऊन चालताना दिसत आहे.
नेटकऱ्यांनी केल्या कमेंट्स
अक्षयटचा ट्रेलर युट्यूब, इन्स्टाग्राम अशा सर्व सोशल मीडिया अकाऊंटवरुन शेअर करण्यात आला आहे. या ट्रेलरला अनेक नेटकऱ्यांनी कमेंट्स केल्या. एका नेटकऱ्यानं कमेंट केली, 'ट्रेलर पाहून अंगावर शहारे आले' तर दुसऱ्या युझरनं कमेंट केली, 'अशा चित्रपटांची बॉलिवूडला गरज आहे'
पाहा ट्रेलर:
View this post on Instagram
तगडी स्टार कास्ट
अक्षय कुमारसोबतच जॅकलीन फर्नांडिस, नुसरत भरू आणि सत्यदेव कंचरण हे कलाकार देखील प्रमुख भूमिका साकारणार आहेत. राम सेतू या चित्रपटाचं शूटिंग उटी, दमण- दीव आणि मुंबईच्या जवळ झाले आहे. या चित्रपटाचं दिग्दर्शन अभिषेक शर्मा यांनी केले आहे. केप ऑफ गुड होप, अॅमेझॉन प्राइम, एबंडंटिया एंटरटेनमेंट आणि लायका प्रॉडक्शन यांनी या चित्रपटाची निर्मिती केली आहे. 25 ऑक्टोबर रोजी हा चित्रपट प्रेक्षकांच्या भेटीस येणार आहे.
वाचा इतर महत्त्वाच्या बातम्या:
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
