रश्मिका मंदानाच्या वेडिंग लूकवर चाहत्यांच्या नजरा; साडीच्या पदरावर विजयसाठी लिहिला खास मेसेज, PHOTO व्हायरल

Rashmika and vijay deveakonda marriage photo: रश्मिका आणि विजय आपल्या वेडिंग लूकमध्ये पारंपारिक आणि रॉयल दिसत होते.

Rashmika and vijay deverakonda marriage photo

Source : Canva

Rashmika and Vijay Deverakonda: रश्मिका मंदाना आणि विजय देवरकोंडा या दोघांनी साताजन्माच्या गाठी बांधल्या आहेत. दोघांचा विवाहसोहळा अगदी शाही पद्धतीने पार पडला.  26 फेब्रुवारी रोजी उदयपूरमध्ये दोघांनी लग्न केले.  त्यांच्या लग्नाचे फोटो अजूनही सोशल मीडियात व्हायरल होत आहे. रश्मिका आणि विजयचा लग्नाचा लूक देखील चर्चेचा विषय ठरत आहे.  रश्मिकाचा वेडिंग लूक लक्षवेधी होता. तिचा शाही लूक पाहून सर्वजण मंत्रमुग्ध झाले. तर, विजयच्या पारंपारिक पोशाखातील लूक पाहून  नेटकऱ्यांनी त्याचं कौतुक केलं. सध्या त्यांचा लूक सोशल मीडियात व्हायरल होत आहे.

रश्मिका मंदानाने आपल्या लग्न सोहळ्यात  रस्ट ऑरेंज आणि गोल्डन रंगाची साडी नेसली होती. तिनं आपला ब्रायडल लूक गोल्ड हेवी ज्वेलरीनं पूर्ण केला. या लूकमध्ये रश्मिका जणू स्वर्गातून उतरलेली अप्सरा वाटत होती. रश्मिकाच्या लग्नाची साडी प्रसिद्ध सेलिब्रिटी डिझायनर  अनामिका खन्ना यांनी डिझाइन केली होती. साडीसोबत अभिनेत्रीनं सोनेरी रंगाच्या नेटची ओढणी कॅरी केली होती.  रस्ट ऑरेंज रंगाच्या साडीसोबत गोल्डन ओढणी सुरेख दिसत होती.  तिच्या रॉयल लूकवर अनेकांच्या नजरा खिळल्या. 

रश्मिकाच्या ओढणीवर हेवी एम्ब्रॉयडरी होती. या एम्ब्रॉयडरीमध्ये विजय देवरकोंडासाठी एक खास सरप्राइज दडलेले होते. मीडिया रिपोर्ट्सनुसार, रश्मिकाच्या गोल्डन ओढणीवर  विजयसाठी खास लविंग मेसेज लिहिले होते. या मेसेजमधून, तिनं सात जन्म त्याच्यासोबत राहण्याचे वचन दिले आहे. तिनं मेसेजमध्ये, 'IN EVERY LIFETIME' 'प्रत्येक जीवनकाळासाठी...' असं लिहिलं आहे. सध्या रश्मिकाचा वेडिंग लूक सोशल मीडियात व्हायरल होत आहे.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Deverakonda (@thedeverakonda)

लग्नानंतर नवविवाहित जोडपे, विजय आणि रश्मिका विमानतळावर दिसले.  रश्मिका सुंदर, सिंपल पण मोहक दिसत होती. लाल रंगाच्या पोशाखात अभिनेत्री सुरेख दिसत होती.  भव्य लग्न सोहळ्यानंतर रिसेप्शन 4 मार्च रोजी होणार आहे. अनेक दक्षिण भारतीय सेलिब्रिटी, या रिसेप्शनला उपस्थित राहणार असल्याची  शक्यता आहे.  दरम्यान, रश्मिका आणि विजयच्या रिसेप्शनला नेमकं कोण कोण उपस्थित राहणार? हे पाहण उत्सुकतेचं ठरेल.

महत्त्वाच्या इतर बातम्या: