Anurag Kashyap : 'नवाजुद्दीन अन् विकी कौशल सोबत चित्रपट नाही! काय नेमके कारण? अनुराग कश्यपने दिले उत्तर
नुकतेच एका मुलाखतीमध्ये अनुराग कश्यपने सांगितले की, आता मला विकी आणि नवाजुद्दीनसोबत काम करताना फार विचार करावा लागणार आहे. त्यामागचे कारण देखील अनुराग कश्यपने सांगितले आहे.
Anurag Kashyap On Vicky Kaushal And Nawazuddin Siddiqui : अनुराग कश्यप हा बॉलीवूडचा प्रसिद्ध दिग्दर्शक आहे. त्याच्या चित्रपटांचा प्रेक्षकवर्गही मोठा आहे. त्याच्या चित्रपटांना मिळणारा मिळालेला प्रतिसादही तुफान आहे. प्रेक्षकांनी त्याच्या अनेक चित्रपटांना डोक्यावर उचलून धरले आहे. बाॅलीवूडमधील अनेक नवीन चेहऱ्यांना अनुराग कश्यपने वेगळी ओळख निर्माण करून दिली आहे. त्यातले महत्त्वाचे नाव म्हणजे नवाजुद्दीन सिद्दीकी आणि विक्की कौशल.
नुकतेच एका मुलाखतीमध्ये अनुराग कश्यपने सांगितले की, आता मला विकी आणि नवाजुद्दीनसोबत काम करताना फार विचार करावा लागणार आहे. त्यामागचे कारण देखील अनुराग कश्यपने सांगितले आहे. त्याच्या या वक्तव्यामुळे सोशल मिडीयावर प्रेक्षकांचे लक्ष वेधून घेतले आहे.
मुलाखतीत त्याने सांगितले की, मी कोणत्याही मोठ्या कलाकारासोबत काम करण्यास घाबरत नाही. पण आजच्या घडीची गोष्ट पाहता मला नवाजुद्दीन आणि विक्की कौशल यांना त्यांची फी देणं हे शक्य नाही. ते मोठे कलाकार झाले आहेत. त्यांचा स्टारडम मोठा आहे. चाहतावर्ग लाखोत आहे. माझ्या चित्रपटांचे बजेट इतके कमी असते की, त्यातून मला मोठे नुकसान होत नाही. पण त्या चित्रपटांमध्ये काम करणाऱ्या कलाकारांची निराशा होते.
पुढे तो म्हणाला की, “विकी किंवा नवाजुद्दीन हे दोघेही माझ्या मैत्रीखातर माझ्या चित्रपटात कोणतंही मानधन न घेता काम करतीलही. परंतु मला ते योग्य वाटणार नाही. त्यांनी माझ्यासाठी खूप काही केले आहे. विकीने तर माझ्याकडून एकही रूपया न घेता माझ्या चित्रपटात काम करण्याची तयारी दर्शवली होती, पण आता मला असे करणे बरोबर वाटत नाही. हे म्हणजे त्या दोघांचा गैरफायदा घेतल्यासारखे होईल.
'गदर 2'च्या यशाचं श्रेय 'गदर' : अनुराग कश्यप
बॉलिवूड हंगामाला दिलेल्या मुलाखतीत सिने-निर्माता अनुराग कश्यप म्हणाला,"मी 'गदर 2','ओएमजी 2' आणि 'ड्रीम गर्ल 2' हे कोणतेच सिनेमे पाहिलेले नाहीत. मी माझ्या कामात व्यस्त आहे. पण मी नक्कीच वेळ काढून हे सिनेमे पाहणार आहे". अनुराग कश्यप पुढे म्हणाले,"गदर 2' या सिनेमाचं जोरदार मार्केटिंग केलं आहे, असं मला वाटतं. 'गदर' सिनेमासोबत प्रेक्षकांच्या आठवणी आहेत. 'गदर' हा गाजलेला सुपरहिट सिनेमा आहे. जुन्या आठवणी ताज्या करण्याचं काम 'गदर' सिनेमाने चांगलं केलं आहे. हाच या सिनेमाच्या मार्केटिंगचा फंडा होता. 'गदर 2'च्या मार्केटिंगचं श्रेय 'गदर'ला द्यायला हवं".
इतर महत्वाच्या बातम्या
Chandramukhi 2 Trailer : 'चंद्रमुखी 2' चा ट्रेलर भलताच भयानक, चाहत्यांनी केला कौतुकाचा वर्षाव
महत्त्वाच्या बातम्या
