राष्ट्रवादीच्या सयाजी शिंदेंचा मुंबईत ठाकरेंना सपोर्ट? भरत जाधव अन् राज ठाकरेंचा VIDEO शेअर

Pinjaryatla Marathi Manus viral video: महानगरपालिका निवडणुकीपूर्वी मराठी अस्मितेवर आधारित व्हिडिओ अभिनेत्याकडून व्हायरल.

Pinjaryatla Marathi Manus viral video

राज्यात सध्या महानगरपालिकांची रणधुमाळी सुरू आहे. सर्वच पक्षातील नेत्यांनी कंबर कसली आहे. तब्बल 8 वर्षांनंतर स्थानिक स्वराज्य संस्थांच्या निवडणुका होत असल्यामुळे प्रमुख नेत्यांसह कार्यकर्त्यांचं या निवडणुकींकडे लक्ष आहे.

१५ जानेवारी 2026 महानगरपालिकांसाठी निवडणुका होणार आहेत. या निवडणुकीपूर्वी ठाकरे बंधूंनीही युती जाहीर केली.

या व्हिडिओतून मराठी भाषिकांना संदेश देण्यात आला आहे. सध्या हा व्हिडिओ सोशल मीडियात प्रचंड व्हायरल होत आहे.

या व्हिडिओत बाप लेक दाखवण्यात आला आहे. ते (Bombay zone for endangered species) या ठिकाणी जातात. तिथे अभिनेता भरत जाधव एका पिंजऱ्यात कैद असतो.

हा व्हिडिओ अभिनेता सयाजी शिंदे आणि सायली संजीव यांनी समाजमाध्यमांमध्ये शेअर केला. या व्हिडिओत 2052 पर्यंत म्हणजेच 26 वर्षांनंतर मराठी माणसाची नेमकी कशी अवस्था होईल? मराठी माणसाचं अस्तित्व काय असेल? याचं विदारक चित्र दाखवण्यात आलं आहे.

बाप लेक हिंदीत बोलतात. तर, भरत जाधव मराठीत बोलतात. 'या जगात मी माझं अस्तित्व बसलो आहे', असं भरत जाधव म्हणतो.

मराठी माणसांची मुंबईतली घरे, नोकऱ्या, या विषयांवर भरत जाधव बोलताना दिसत आहे. तसेच "मराठी माणसांना मुंबईतून हाकललं, काही राज्यकर्ते आमच्या अस्तित्वाची दलाली करत होते", असा गंभीर आरोप त्यांनी केला.

त्यानंतर लहान मुलगा भरत जाधव यांना प्रश्न विचारतो, त्यावेळेस कुणी का आवाज उठवला नाही, असा सवाल उपस्थित करतो. तेव्हा भरत जाधव, 'एक होता ना..' असं भरत जाधव म्हणतो.. त्यानंतर राज ठाकरेंचा भाषणातील क्लिप सुरू होतो. यात ते मराठी भाषा, मराठी माणसाबद्दल आणि मराठी माणसाच्या घटणाऱ्या संख्येबद्दल बोलताना दिसत आहेत.

या व्हिडिओतून मराठी भाषिकांना संदेश देण्यात आला आहे. सध्या हा व्हिडिओ सोशल मीडियात प्रचंड व्हायरल होत आहे.