Sushant Singh Rajput | अंकिता लोखंडेने व्हिडीओ शेअर करत म्हटलं "जस्टिस फॉर सुशांत"

सुशांत सिंह राजपूतची आधीची गर्लफ्रेंड अंकिता लोखंडे हीने सोशल मीडियावर एक व्हिडीओ शेअर केला आहे. या व्हिडीओद्वारे अंकिताने सुशांतला न्याय मिळावा अशी मागणी केली आहे.

मुंबई : सुशांत सिंह राजपूत आत्महत्या प्रकरणात सीबीआय चौकशीची मागणी वारंवार केली जात आहे. सीबीआयने या प्रकरणी अभिनेत्री रिया चक्रवर्तीसह इतर काही जणांवर एफआयआर दाखल केली आहे. सीबीआय चौकशी होणार की नाही हे सुप्रीम कोर्टाच्या निर्णयावर अवलंबून आहे.

या दरम्यान सुशांत सिंह राजपूतची आधीची गर्लफ्रेंड अंकिता लोखंडे हीने सोशल मीडियावर एक व्हिडीओ शेअर केला आहे. या व्हिडीओद्वारे अंकिताने सुशांतला न्याय मिळावा अशी मागणी केली आहे. या व्हिडीओ अंकिताने एक पोस्टर हातात घेतलं आहे. यामध्ये अंकिताने लिहिलं की, देशाला माहिती आहे की सुशांत सिंह राजपूतसोबत काय झालं आहे? जस्टिस फॉर सुशांत. सीबीआय फॉर SSR"

View this post on Instagram

 

#justiceforsushantsinghrajput. #CBIforSSR

A post shared by Ankita Lokhande (@lokhandeankita) on Aug 13, 2020 at 4:30am PDT

सुप्रीम कोर्टात सुनावणी

सुशांत सिंह राजपूत मृत्यू प्रकरणात वडील केके सिंह यांनी सुप्रीम कोर्टात लिखित स्वरुपात उत्तर दिले आहे. चितेला अग्नी देणारा हिरावून घेतला असल्याचे सुशांतच्या वडिलांनी सांगितलंय. पाटणा पोलिसांना FIR दाखल करण्याचा हक्क असल्याचे उत्तरात केके सिंह यांनी म्हटलंय. तपास पूर्ण झाल्यानंतर केस ट्रान्सफर होऊ शकते. पाटनामध्ये असताना अनेकवेळा सुशांतशी बोलण्याचा प्रयत्न केल्याचे त्यांनी सांगितले. रिया चक्रवर्तीने CBI चौकशीची मागणी केली होती.

माझा मुंबई पोलिसांच्या तपासावर विश्वास नाही, शवविच्छेदनानंतरी त्यांनी FIR दाखल केली नसल्याचे केके सिंह म्हणाले. याअगोदर बिहार सरकार आणि रिया चक्रवर्तीने सुप्रीम कोर्टात उत्तर दिले आहे.

बिहार सरकार म्हणाले, की मुंबई पोलिसांनी कोणतीही एफआयआर दाखल केली नाही. एकमेव एफआयआर बिहारमध्ये नोंदवली आहे. आता तपास सीबीआयकडे गेला आहे. त्यामुळे पाटणावरुन केस मुंबईला ट्रांन्सफर करण्याची रियाची मागणीला अर्थ नाही.

सुशांत सिंह राजपूत 14 जूनला मुंबईतील आपल्या अपार्टमेंटमध्ये लटकलेल्या अवस्थेत आढळला होता. मुंबई पोलीस या प्रकरणाची चौकशी करत आहे. पाटाणा पोलिसांनीही एफआयआर दाखल केली आहे. याच एफआयआरला रिया चक्रवर्तीने सुप्रीम कोर्टात आव्हान दिलंय.

SSR Suicide Case | पहिला एफआयआर पाटणामध्ये, मुंबईत तापस का करायचा? : बिहार पोलीस