![ABP Premium](https://cdn.abplive.com/imagebank/Premium-ad-Icon.png)
Ajay Devgn : 'द कश्मीर फाइल्स' चित्रपटाबद्दल विचारलेल्या प्रश्नाला अजयनं दिलं उत्तर; म्हणाला...
रनवे 34 या चित्रपटाच्या ट्रेलर लाँच वेळी अजयला 'द कश्मीर फाइल्स' (The Kashmir Files) या चित्रपटाबद्दल प्रश्न विचारण्यात आला.
![Ajay Devgn : 'द कश्मीर फाइल्स' चित्रपटाबद्दल विचारलेल्या प्रश्नाला अजयनं दिलं उत्तर; म्हणाला... ajay devgn reaction on question about the kashmir files film Ajay Devgn : 'द कश्मीर फाइल्स' चित्रपटाबद्दल विचारलेल्या प्रश्नाला अजयनं दिलं उत्तर; म्हणाला...](https://feeds.abplive.com/onecms/images/uploaded-images/2022/03/22/05bc8a9722a03507167224ecf66780ce_original.jpg?impolicy=abp_cdn&imwidth=1200&height=675)
Ajay Devgn : बॉलिवूडमधील प्रसिद्ध अभिनेता अजय देवगणचा (Ajay Devgn) रनवे 34 (Runway 34) हा चित्रपट लवकरच प्रदर्शित होणार आहे. या चित्रपटाचे अजय दिग्दर्शन देखील करणार आहे. चित्रपटात अजयसोबतच बॉलिवूडचे महानायक अमिताभ बच्चन (Amitabh Bachchan) आणि अभिनेत्री रकुलप्रीत हे प्रमुख भूमिका साकारणार आहेत. या चित्रपटाचा ट्रेलर देखील प्रदर्शित झाला. सध्या सगळीकडे विवेक अग्निहोत्री (Vivek Agnihotri) यांच्या 'द कश्मीर फाइल्स' (The Kashmir Files) या चित्रपटाची चर्चा सुरू आहे. या चित्रपटाबद्दल अजयला एक प्रश्न विचारण्यात आला. त्या प्रश्नाला अजयनं दिलेल्या उत्तरानं अनेकांचे लक्ष वेधले.
रनवे 34 या चित्रपटाच्या ट्रेलर लाँच वेळी अजयला हा प्रश्न विचारण्यात आला की, 'सध्या द कश्मीर फाइल्सला प्रेक्षकांची पसंती मिळत आहे. तसेच रनवे 34 देखील सत्य घटनेवर आधारित चित्रपट आहे. तुम्हाला असं वाटकं की सत्य घटनेवर आधारित चित्रपटांना प्रेक्षकांची विशेष पसंती मिळते. ' या प्रश्नाला अजयनं उत्तर दिलं, 'असं नाहिये की केवळ भारतामध्येच नाही तर जगभरात सत्य घटनेवर आधारित असणाऱ्या चित्रपटांना प्रेक्षकांची पसंती मिळत आहे. काही गोष्टी या इंस्पिरेशनल असतात. या गोष्टी तुम्ही काल्पनिक पद्धतीनं मांडू शकत नाही. ' पुढे अजयनं सांगितलं, 'एखादी गोष्ट तुम्ही ऐकता आणि ती जगासमोर मांडली पाहिजे असं जेव्हा तुम्हाला वाटतं तेव्हा सत्य घटनेवर आधारित चित्रपट तयार करण्याचा विचार मनात येतो. '
अजय देवगणच्या रनवे 34 हा चित्रपट 2015 मध्ये घडलेल्या सत्य घटनेवर आधारित आहे. हा चित्रपट 29 एप्रिल रोजी प्रदर्शित होणार आहे.
हेही वाचा :
- 'द कश्मीर फाइल्समध्ये अनेक गोष्टी असत्य, पण..'. संजय राऊत थेटच बोलले
- World Tv Premiere : 'पुष्पा- द राइज' आणि '83'चा आज होणार वर्ल्ड टेलिव्हिजन प्रीमिअर
- The Kashmir Files : 'द कश्मीर फाइल्स' ला गर्दी कोणाची? भाजपची की सामान्य प्रेक्षकांची?
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)