ट्रंप आणि इस्रायलने मर्यादा ओलांडल्या... जावेद अख्तर यांची X पोस्ट चर्चेत, सडकून टीका केली, म्हणाले...
या घटनेनंतर जावेद अख्तर यांनी अमेरिकेचे माजी राष्ट्राध्यक्ष डोनाल्ड ट्रंप आणि इस्रायलचे पंतप्रधान बेंजामिन नेतन्याहू यांच्यावर टीका केली आहे.
Javed Akhtar: प्रसिद्ध गीतकार आणि पटकथालेखक जावेद अख्तर यांनी अमेरिके-इस्त्रायल आणि इराण यांच्यात सुरू असलेल्या तणावावर भाष्य करत सोशल मीडियावर प्रतिक्रिया दिली आहे. आपल्या स्पष्टवक्तेपणासाठी ओळखले जाणाऱ्या जावेद अख्तर यांनी यावेळीही ठाम शब्दांत मत मांडले.
सध्या मध्यपूर्वेत युद्धजन्य परिस्थिती निर्माण झाली आहे. या पार्श्वभूमीवर इराणचे सर्वोच्च नेते अयातुल्ला अली खामेनी यांच्या मृत्यूची बातमी समोर आली. या घटनेनंतर जावेद अख्तर यांनी अमेरिकेचे माजी राष्ट्राध्यक्ष डोनाल्ड ट्रंप आणि इस्रायलचे पंतप्रधान बेंजामिन नेतन्याहू यांच्यावर टीका केली आहे.
काय म्हणाले जावेद अख्तर?
सोशल मीडिया प्लॅटफॉर्म एक्सवर पोस्ट करत त्यांनी म्हटले की, ' यावेळी ट्रंप आणि इस्रायलने मर्यादा ओलांडल्या आहेत. इराणशी इराकसारखे वर्तन करण्याची मुभा दिली गेली, तर चीनसारख्या देशाची जागतिक विश्वासार्हता धोक्यात येईल, असेही त्यांनी नमूद केले. त्यांच्या मते, बलप्रयोगाची भाषा करणारे नेते इतर देशांना प्रत्युत्तर देण्यास भाग पाडत आहेत आणि त्यामुळे तणाव अधिक वाढत आहे.'
I think this time trump and Israel have over played there hand because if they are allowed to get away with this audacity and do an Iraq to Iran China will lose her total credibility in the world . Netanyahu and Trump like all the bullies have pushed others to the wall and…
— Javed Akhtar (@Javedakhtarjadu) March 1, 2026
दरम्यान, या वाढत्या तणावाचा परिणाम दुबईवरही झाला आहे. दुबई आंतरराष्ट्रीय विमानतळ काही काळासाठी बंद करण्यात आल्याने प्रवासी अडचणीत सापडले आहेत. अनेक भारतीय कलाकारही सध्या दुबईत अडकले असल्याची माहिती आहे. त्यात अभिनेता आर. माधवन, दक्षिणेतील सुपरस्टार अजित कुमार आणि अभिनेत्री ईशा गुप्ता यांचा समावेश आहे.
अजित कुमार रेसिंगसंदर्भातील बांधिलकी पूर्ण करण्यासाठी दुबईला गेले होते. मात्र उड्डाणे रद्द झाल्यामुळे त्यांचा चेन्नईला परतण्याचा प्रवास सध्या अडचणीत आला आहे. वाढत्या संघर्षामुळे संपूर्ण परिसरात अनिश्चिततेचे वातावरण निर्माण झाले आहे.
अमेरिका आणि इस्त्रायलच्या संयुक्त हवाई हल्ल्यात इराणचे सर्वोच्च नेते अयातुल्ला अली खामेनी (Ali Khamenei Death) यांचा मृत्यू झाला. याबाबत इराणच्या माध्यमांशी अधिकृत माहिती दिली. अयातुल्ला अली खामेनी 1989 पासून इराणचे सर्वोच्च नेते होते.त्यांच्या मृत्यूमुळे इराणच्या राजकारणावर आणि प्रादेशिक परिस्थितीवर मोठा परिणाम होण्याची शक्यता आहे. येत्या काळात देशातील सत्ता आणि नेतृत्वाशी संबंधित महत्त्वाचे निर्णय घेण्यात येऊ शकतात.
महत्त्वाच्या बातम्या
