'तुम्बाड 2'मध्ये हस्तरला टक्कर देणार 'हा' दमदार अभिनेता; 27 वर्षांपासून गाजवतोय बॉलीवूड
निर्मात्यांनी सोमवारी मोठी घोषणा करत चित्रपटाच्या कास्टमध्ये एका मोठ्या नावाची भर पडल्याचं स्पष्ट केलं आहे.
Tumbad 2: हॉरर-थ्रिलर तुम्बाड च्या सिक्वेलची प्रेक्षक आतुरतेने वाट पाहत आहेत. सोहम शाह स्टारर या चित्रपटाबाबत आता मोठी अपडेट समोर आली आहे. सिनेसृष्टीत तब्बल 27 वर्षे सक्रिय असलेल्या एका दिग्गज अभिनेत्याची या चित्रपटात एंट्री अधिकृतपणे जाहीर करण्यात आली आहे.
तुम्बाडसारखा वेगळ्या धाटणीचा चित्रपट बनवणाऱ्या सोहम शाहमुळे तुम्बाड 2 बराच काळ चर्चेत आहे. हॉरर-थ्रिलर चाहत्यांमध्ये या सिक्वेलबाबत प्रचंड उत्सुकता आहे. दरम्यान, निर्मात्यांनी सोमवारी मोठी घोषणा करत चित्रपटाच्या कास्टमध्ये एका मोठ्या नावाची भर पडल्याचं स्पष्ट केलं आहे.
तुम्बाड 2 मध्ये या अभिनेत्याची एंट्री
काही दिवसांपूर्वी या चित्रपटात अक्षय खन्ना आणि श्रद्धा कपूर दिसणार असल्याच्या चर्चा रंगल्या होत्या. मात्र त्या केवळ अफवा ठरल्या. आता स्वतः सोहम शाहने एका मोठ्या कलाकाराच्या एंट्रीवर शिक्कामोर्तब केलं असून तो अभिनेता म्हणजे नवाजुद्दीन सिद्दीकी.
गेल्या 27 वर्षांपासून आपल्या दमदार अभिनयाने वेगळी ओळख निर्माण करणारा नवाजुद्दीन सिद्दीकी आता ‘तुम्बाड 2’मध्ये झळकणार आहे. सोहम शाहने आपल्या अधिकृत इंस्टाग्रामवर नवाजसोबतचा फोटो शेअर करत ही माहिती दिली. “तुम्बाड 2 मध्ये नवाजुद्दीन सिद्दीकी भाईची एंट्री झाली आहे,” असं कॅप्शनमध्ये लिहिलं आहे.अशा चर्चांना उधाण आलं आहे की, चित्रपटात नवाजुद्दीन सिद्दीकी भूत ‘हस्तर’ला टक्कर देताना दिसू शकतात. मात्र त्यांच्या भूमिकेबाबत अद्याप अधिकृत तपशील समोर आलेला नाही.
View this post on Instagram
‘तुम्बाड 2’ कधी रिलीज होणार?
हिंदी चित्रपटसृष्टीतील मोस्ट अवेटेड चित्रपटांच्या यादीत ‘तुम्बाड 2’चा समावेश आहे. पहिल्या भागाने री-रिलीजमध्येही दमदार कमाई करत बॉक्स ऑफिसवर धुमाकूळ घातला होता. त्याच वेळी सिक्वेलची घोषणा करण्यात आली.
रिलीज डेटबाबत बोलायचं झाल्यास, हा चित्रपट 2027 मध्ये मोठ्या पडद्यावर येऊ शकतो, अशी चर्चा आहे. मात्र अधिकृत घोषणा होण्याची प्रेक्षकांना अजून प्रतीक्षा आहे.
काय आहे तुंबाडची गोष्ट?
हॉरर-थ्रिलर तुम्बाडची पार्श्वभूमी असलेली ‘हस्तर’ची पौराणिक कथा आजही अंगावर काटा आणणारी मानली जाते. समृद्धीच्या देवीने विश्वाची निर्मिती करताना प्रथम जन्म दिला तो हस्तरला. मात्र त्याच्या अति लोभामुळे देव-देवतांनी त्याला शाप दिला. त्याचं नाव पुराणांत नसेल आणि त्याची पूजा कधीच होणार नाही. पण 1920 च्या दशकात तुम्बाड गावात एका कुटुंबाने हा निषिद्ध नियम मोडला आणि भयावह परिणामांना सामोरं जावं लागलं.
देवीचा लाडका पण लोभी पुत्र
कथेनुसार, समृद्धीच्या देवीने सृष्टी निर्माण करताना सर्वप्रथम हस्तरला जन्म दिला. त्यानंतर तिच्या पोटी 16 कोटी देव-देवता जन्माला आल्या. हस्तर तिचा आवडता मुलगा होता, पण त्याच्या स्वभावात प्रचंड लोभ होता. देवीने एकदा हस्तरसमोर पर्याय ठेवला.संपूर्ण विश्वातील सोनं घ्यायचं की सर्व अन्न? हस्तरने सोन्याची निवड केली; मात्र लोभ वाढत गेला आणि त्याने अन्नावरही ताबा मिळवण्याचा प्रयत्न केला. यामुळे इतर देव-देवतांशी त्याचा संघर्ष उभा राहिला.
महत्त्वाच्या बातम्या
