Gold Rate Today : अमेरिका, इस्त्रायल आणि इराण युद्धाचा फटका, सोने- चांदीच्या दरवाढीचा भडका, सोन्याचे दर 7372 रुपयांनी वाढले
Gold Rate Today : अमेरिका, इस्त्रायल आणि इराण यांच्यातील युद्धाचे परिणाम दिसू लागले आहेत. सोन्याच्या दरात आज मोठी वाढ झाली आहे.
नवी दिल्ली : अमेरिका, इस्त्रायल आणि इराण यांच्यातील युद्धाचे परिणाम सोन्याच्या दरावर झाले आहेत. सोन्याच्या दरात 7372 रुपयांची वाढ झाली आहे. आयबीजेएनं जारी केलेल्या दरांनुसार शुक्रवारच्या तुलनेत सोमवारी सोन्याचे दर 7372 रुपयांनी वाढून 166469 रुपयांवर पोहोचले आहेत. 29 जानेवारीला सोन्याच्या दरानं 176121 रुपयांचा उच्चांक गाठला होता. म्हणजेच त्या तुलनेत सध्या सोनं 9652 रुपयांनी स्वस्त आहे.
Gold Rate Update: सोने महागले
आयबीजेएनं जारी केलेल्या दरांनुसार 24 कॅरेट सोन्याचा दर 166470 रुपयांवर पोहोचला आहे. तर,22 तोळ्याचा एका ग्रॅमचा दर 162470 रुपयांवर पोहोचला आहे. 20 कॅरेट सोनं 148160 रुपयांवर पोहोचलं असून 18 कॅरेट सोन्याचा एका तोळ्याचा दर 134840 रुपये आहे. तर, 14 कॅरेट सोन्याचा दर देखील 107380 रुपये प्रति 10 ग्रॅम आहेत.
बुलियन्स को इन वेबसाईटनं जारी केलेल्या दरांनुसार नवी दिल्लीत 24 कॅरेट सोन्याच्या दरात 5850 रुपयांची वाढ होऊन ते 167740 रुपये 10 ग्रॅम जाले. मुंबईत देखील सोन्याच्या दरात 5840 रुपयांची वाढ होत सोनं 168030 रुपये 10 ग्रॅमवर पोहोचलं. कोलकाता शहरात सोन्याचा दर 5830 रुपयांनी वाढून 167810 रुपयांवर पोहोचला. चेन्नईत सोन्याचा दर 5970 रुपयांनी वाढून 168630 रुपये आणि लखनऊमध्ये सोन्याचा दर 4940 रुपयांनी वाढून 168180 रुपये प्रति तोळा झाला आहे. इंदौरमध्ये 24 कॅरेट सोन्याचा दर 5850 रुपयांनी वाढून 168210 रुपयांवर पोहोचला आहे. तर, जयपूरमध्ये सोन्याचा दर 5950 रुपयांनी वाढून 168120 रुपये प्रतितोळा झाला आहे.
मल्टी कमोडिटी एक्सचेंजवर एप्रिल महिन्याच्या वायद्याचे सोन्याचे दर3397 रुपयांनी वाढून 165501 रुपये तोळा झाले आहेत.तर, शुक्रवारी एमसीएक्सवर सोन्याचा दर 162104 रुपये तोळा होता.
आंतरराष्ट्रीय बाजारात स्पॉट गोल्डची किंमत 1 टक्क्यांनी वाढून 5329.39 डॉलर प्रति औंस आहे. चांदीच्या दरात देखील आंतरराष्ट्रीय बाजारात 2.8 टक्क्यांची वाढ झाली. चांदीचे दर 96.4 डॉलर प्रति औंस झाली आहे.
चांदीचे दर 20236 रुपयांनी महागले
अमेरिका आणि इराण यांच्यातील युद्धामुळं चांदीच्या दरानं देखील उच्चांक गाठला. आयबीजेएनं जारी केलेल्या दरानुसार 2 मार्चला चांदीचे दर 20236 रुपयांनी वाढले. चांदीचा जीएसटीशिवायचा दर 286936 रुपये किलो होता. जीएसटीसह चांदीचा दर 2 लाख 95 हजार रुपये आहे. 29 जानेवारीला सराफा बाजारात चांदीच्या दरानं 3 लाख 85 हजार 933 रुपयांचा उच्चांक गाठला होता.
बुलियन्स को इन या वेबसाईटनुसार नवी दिल्लीत चांदीचे दर 15120 रुपयांनी वाढून 296260 रुपये किलो झाला आहे. तर, मुंबईत चांदीचा दर 15140 रुपयांनी वाढून 296770 रुपये किलो झाला.
दरम्यान, जगभरात युद्धजन्य परिस्थिती निर्माण होते तेव्हा गुंतवणूकदार भांडवली बाजारापेक्षा सुरक्षित पर्याय म्हणून सोन्यातील गुंतवणुकीला प्राधान्य देत असतात.
Before You Go
Liquor Brands Banned: भारतात कोणत्या ब्रँड्सच्या रम आणि व्हिस्कीवर बंदी?, A टू Z माहिती
महत्त्वाच्या बातम्या
