Pune Bypoll election : 26 तारखेला कमळासमोरचं बटण दाबून अजित पवारांना शॉक द्या: चंद्रशेखर बावनकुळे
Pune Bypoll election : 26 फेब्रुवारीला कमळासमोरच बटन जोरात दाबा, म्हणजे चिंचवड निवडणुकीत अजित पवारांना झटका बसेल असे वक्तव्य चंद्रशेखर बावनकुळे यांनी केले आहे.
Pune Bypoll election : चिंचवड विधानसभा पोटनिवडणुकीच्या (Chinchwad By Poll Election) उमेदवार अश्विनी जगतापांच्या प्रचारासाठी गुरूवारी दिवसभर त्यांनी मतदारसंघात मॅरेथॉन दौरा केला. खरं तर ही लक्ष्मण जगतापांच्या (Laxman Jagtap) निधनानंतर ही पोटनिवडणूक होत असल्यानं, आपण बिनविरोध निवडणुकीसाठी राष्ट्रवादी काँग्रेसला (NCP) विनंती केली होती. पण अखेर निवडणूक लागली. त्यामुळं 26 फेब्रुवारीला कमळासमोरच बटन जोरात दाबा, अजित पवारांना (Ajit Pawar) 440 व्होल्टचा असा करंटच लागला पाहिजे, की पुन्हा त्यांनी चिंचवडचे नावच घेऊ नये, असं वक्तव्य चंद्रशेखर बावनकुळे (Chandrashekhar Bawankule) यांनी केले आहे,
चिंचवड विधानसभेत भाजप प्रदेशाध्यक्षांकडून मॅरेथॉन बैठका
चिंचवड विधानसभेत भाजप प्रदेशाध्यक्षांकडून मॅरेथॉन बैठका घेतल्या जात आहेत. सकाळी 11 ते रात्री 10 पर्यंत तब्बल सतरा ठिकाणी ते प्रचार करणार आहेत. अश्विनी जगतापांना निवडून आणण्यासाठी भाजपचे दिग्गज कंबर कसत आहेत.
अजित पवारांनी उडवली मनसेची खिल्ली
चिंचवडमध्ये मनसेनं भाजपला पाठिंबा दिल्यानंतर पत्रकार परिषदेत अजित पवारांनी उडवली मनसेची खिल्ली उडवली. मनसेच्या पाठिंब्यामुळे आमचे धाबेच दणाणले, असे म्हणत खिल्ली उडवली आहे
चिंचवड पोटनिवडणुकीत महाविकास आघाडीची यंग ब्रिगेड मैदानात
चिंचवड विधानसभा पोटनिवडणुकीसाठी भाजपने लक्ष्मण जगताप यांच्या पत्नी अश्विनी जगताप (Ashwini Jagtap) यांची उमेदवारी जाहीर केली आहे. चिंचवडच्या पोटनिवडणुकीत तिरंगी लढत होणार आहे. भाजपच्या अश्विनी जगताप, महाविकास आघाडीचे नाना काटे आणि अपक्ष उमेदवार राहुल कलाटे यांच्यात तिरंगी लढत होणार आहे. चिंचवड पोटनिवडणुकीसाठी महाविकास आघाडीनंही जोरदार कंबर कसलेली आहे. आज चिंचवड पोटनिवडणुकीत महाविकास आघाडीची यंग ब्रिगेड मैदानात उतरणार आहे. रोहित पवार, धीरज देशमुख, इम्रान प्रतापगढी यांची आज प्रचार रॅली आहे. तसंच चिंचवडमध्ये सभासुद्धा आहे. तिकडे अमित शाह पुण्यातही येणार असल्यानं भाजपच्या गोटात तयारीची लगबग आहे. कालच गिरीश बापट प्रचारात उतरल्यानं भाजपचं टेन्शन काहीसं कमी झालेलं आहे. जरी कसबा आणि चिंचवड या भाजपच्या जागा असल्या तरीही भाजपनं दोन्ही जागांवर आपली ताकद पणाला लावलेली आहे.
इतर महत्त्वाच्या बातम्या :
महत्त्वाच्या बातम्या
