Sunil Tingre: सुनील टिंगरेंना अजित पवारांचा फोन; म्हणाले, वडगाव शेरीतून लढायच्या तयारीला लागा!

vadgaon sheri vidhan sabha: पुण्यातील पोर्शे कार अपघात प्रकरणात सुनील टिंगरे यांची भूमिका वादग्रस्त होती. त्यामुळे त्यांच्या उमेदवारीवर टांगती तलवार आहे.

Sunil Tingre

Source : Facebook

पुणे: राज्यातील विधानसभा निवडणुकीसाठी अजित पवार यांच्या नेतृत्वाखालील राष्ट्रवादी काँग्रेस पक्षाने 38 उमेदवारांची पहिली यादी बुधवारी जाहीर केली होती. या उमेदवारी यादीत वडगाव शेरी मतदारसंघाचा समावेश नव्हता. त्यामुळे आमदार सुनील टिंगरे (Sunil Tingre) यांची धाकधूक वाढल्याची चर्चा होती. महायुतीमध्ये ज्या मतदार संघाचा निर्णय अजूनही झालेला नाही त्यात पुण्यातील वडगाव शेरी मतदारसंघ (vadgaon sheri vidhan sabha) समावेश आहे. अजित पवार पक्षाकडून त्यांच्या उमेदवारांची पहिली यादी जाहीर करण्यात आली आहे . त्यामध्ये वडगाव शेरी विधानसभा मतदारसंघाचे विद्यमान आमदार सुनील टिंगरे यांचे नाव नव्हते. मात्र, त्यांना पक्षाकडून AB फॉर्म देण्यात आल्याची माहिती समोर आली आहे. 

सुनील टिंगरे पुण्यातील वडगाव शेरी मतदारसंघातील आमदार आहेत. कल्याणीनगर येथील पोर्शे कार अपघातामध्ये सुनील टिंगरे यांची भूमिका वादग्रस्त राहिली होती. त्यामुळे सुनील टिंगरे यांच्या उमेदवारीवर टांगती तलवार असल्याचे सांगितले जाते. सुनील टिंगरे यांनी 'एबीपी माझा'शी संवाद साधताना याबाबत भाष्य केले. त्यांनी म्हटले की, मला अजित पवारांनी तयारी करायला सांगितली आहे. वडगाव शेरीच्या जागेवर माझाच दावा आहे . काल रात्री मला अजित पवारांचा फोन आला होता. आज संध्याकाळपर्यंत दुसरी यादी येईल. या यादीत माझं नाव असेल, असा मला विश्वास असल्याचे टिंगरे यांनी सांगितले. वडगाव शेरी मतदारसंघातून भाजपचे नेते जगदीश मुळीकही इच्छूक आहेत. यावर बोलताना टिंगरे यांनी म्हटले की, असे अनेक जण इच्छुक असतात, ते सुद्धा तयारी करतात. मैत्रीपूर्वक लढत होऊ शकत नाही. इतर मतदारसंघांमध्ये देखील यामुळे अडचण होऊ शकते, असा गर्भित इशारा सुनील टिंगरे यांनी दिला.

अजित पवार गटाच्या पहिल्या उमेदवारी यादीतील 38 उमेदवारांची नावे

बारामती- अजित पवार
येवला- छगन भुजबळ
आंबेगाव- दिलीप वळसे पाटील
 कागल- हसन मुश्रीफ 
परळी- धनंजय मुंडे
 दिंडोरी- नरहरी झिरवाळ
अहेरी- धर्मरावर बाबा अत्राम
श्रीवर्धन-  आदिती तटकरे
अंमळनेर- अनिल भाईदास पाटील
 उदगीर- संजय बनसोडे 
अर्जुनी मोरगाव- राजकुमार बडोले
माजलगाव- प्रकाश दादा सोळंके
वाई- मकरंद पाटील
 सिन्नर- माणिकराव कोकाटे
खेड आळंदी - दिलीप मोहिते पाटील
 अहमदनगर शहर- संग्राम जगताप
 इंदापूर- दत्तात्रय भरणे
अहमदपूर- बाबासाहेब पाटील
 शहापूर- दौलत दरोडा
 पिंपरी- अण्णा बनसोडे
 कळवण- नितीन पवार
कोपरगाव- आशुतोष काळे
 अकोले - किरण लहामटे
 वसमत- चंद्रकांत उर्फ राजू नवघरे
 चिपळूण- शेखर निकम
मावळ- सुनील शेळके
जुन्नर- अतुल बेनके
मोहोळ- यशवंत माने
 हडपसर- चेतन तुपे
 देवळाली- सरोज आहिरे
चंदगड - राजेस पाटील
 इगतुरी- हिरामण खोसकर
तुमसर- राजे कारमोरे
पुसद -इंद्रनील नाईक
 अमरावती शहर- सुलभा खोडके
नवापूर- भरत गावित
 पाथरी- निर्णला विटेकर

आणखी वाचा