एक्स्प्लोर

SSC & HSC Exam : मोठी बातमी! दहावी, बारावीच्या विद्यार्थ्यांना परीक्षेचे फॉर्म भरण्यासाठी मुदत वाढ

SSC, HSC Exam Application : दहावी आणि बारावीच्या विद्यार्थ्यांसाठी महत्त्वाची बातमी आहे. दहावी आणि बारावी बोर्ड परीक्षेसाठी अर्ज दाखल करण्यासाठी बोर्डाकडून मुदतवाढ देण्यात आली आहे.

Written By : वेदांत नेब | Edited By: स्नेहल पावनाक | Updated at : 04 Nov 2022 02:58 PM (IST)

SSC Exam HSC Exam Application Form Extension of deadline for filling examination forms for 10th, 12th students SSC & HSC Exam : मोठी बातमी! दहावी, बारावीच्या विद्यार्थ्यांना परीक्षेचे फॉर्म भरण्यासाठी मुदत वाढ

SSC, HSC Exam Application Last Date Extended

SSC, HSC Exam Application : दहावी ( SSC Board Exam) आणि बारावीच्या ( HSC Board Exam ) विद्यार्थ्यांसाठी महत्त्वाची बातमी आहे. दहावी आणि बारावी बोर्ड परीक्षेसाठी अर्ज ( Application form ) दाखल करण्यासाठी बोर्डाकडून मुदतवाढ देण्यात आली आहे. बोर्डाने फॉर्म भरण्यासाठी मुदतवाढ करण्याचा महत्त्वाचा निर्णय घेतला आहे. यानुसार आता दहावी बोर्ड परीक्षेसाठी अर्ज करण्याची शेवटची तारीख 25 नोव्हेंबर असणार आहे आणि बारावी बोर्डासाठी अर्ज दाखल करण्याची शेवटची तारीख 30 नोव्हेंबर असणार आहे. बोर्डाने दहावी आणि बारावी बोर्ड परीक्षेचे आवेदन पत्र सादर करण्यासाठी मुदतवाढ दिली आहे.

दहावी, बारावी परीक्षेचे फॉर्म भरण्यासाठी मुदतवाढ

दहावी बोर्ड परीक्षेसाठी फॉर्म भरण्यासाठी आता 25 नोव्हेंबरपर्यंतची मुदत असेल याआधी ही मुदत 10 नोव्हेंबरपर्यंत होती, ही मुदत आता वाढवण्यात आली आहे. तर बारावी बोर्डाच्या परीक्षेचे आवेदन पत्र विलंब शुल्कासह 30 नोव्हेंबर ऑनलाइन पद्धतीने भरता येणार आहेत. बारावी बोर्ड परीक्षेसाठी याआधीची मुदत 4 नोव्हेंबरपर्यंत होती. यामध्ये आता वाढ करण्यात आली असून बारावीच्या विद्यार्थ्यांना विलंब शुल्कासह परीक्षेसाठी अर्ज दाखल करता येणार आहे.

दहावी आणि बारावी बोर्ड परीक्षेचे संभाव्य वेळापत्रक आधीच जाहीर

विद्यार्थ्यांना बोर्डाच्या संकेतस्थळावर ऑनलाईन पद्धतीने अर्ज भरावे लागणार आहेत. महाराष्ट्र राज्य मंडळाच्या दहावी आणि बारावी बोर्ड परीक्षेचे संभाव्य वेळापत्रक याआधीच जारी करण्यात आलं आहे. त्यानुसार, बारावी बोर्डाची परीक्षा 21 फेब्रुवारी 2023 ते 20 मार्च 2023 दरम्यान होणार आहे. तर दहावी बोर्ड परीक्षा 2 मार्च 2023 ते 25 मार्च 2023 दरम्यान होणार आहे. हे संभाव्य वेळापत्रक असून बोर्डाकडून निश्चित वेळापत्रक येत्या काही दिवसांमध्ये जाहीर होण्याची शक्यता आहे.

दहावी बोर्ड परीक्षेचा संभाव्य सविस्तर वेळापत्रक

2 मार्च - प्रथम भाषा ( मराठी, हिंदी उर्दू ,गुजराती व इतर प्रथम भाषा)
3 मार्च - द्वितीय वा तृतीय भाषा
6 मार्च - इंग्रजी
9 मार्च - हिंदी ( द्वितीय किंवा तृतीय भाषा)
11 मार्च - संस्कृत, उर्दू ,गुजराती पाली ( द्वितीय किंवा तृतीय भाषा)
13 मार्च - गणित भाग - 1
15 मार्च - गणित भाग 2
17 मार्च - विज्ञान आणि तंत्रज्ञान भाग 1
20 मार्च - विज्ञान आणि तंत्रज्ञान भाग 2
23 मार्च - सामाजिक शास्त्र पेपर 1
25 मार्च - सामाजिक शास्त्र पेपर 2

बारावी परीक्षेचे संभाव्य सविस्तर वेळापत्रक जाहीर

21 फेब्रुवारी - इंग्रजी
22 फेब्रुवारी - हिंदी
23 फेब्रुवारी - मराठी, गुजराती, बंगाली, तेलगू ,पंजाबी ,तामिळ
24 फेब्रुवारी - संस्कृत
27 फेब्रुवारी - फिजिक्स
1 मार्च - केमिस्ट्री
3 मार्च - मॅथेमॅटिक्स अॅन्ड स्टॅटिस्टिक्स
7 मार्च - बायोलॉजी
9 मार्च - जियोलॉजी
25 फेब्रुवारी- ऑर्गनायझेशन ऑफ कॉमर्स अॅन्ड मॅनेजमेंट
28 फेब्रुवारी - सेक्रेटरीयल प्रॅक्टिस
1 मार्च - राज्यशास्त्र
13मार्च - ऑफिस मॅनेजमेंट पेपर 1
15 मार्च - ऑफिस मॅनेजमेंट पेपर 2
9 मार्च - अर्थशास्त्र
10 मार्च - बुक किपिंग अँड अकाउंटन्सी
13 मार्च - बँकिंग पेपर - 1
15 मार्च - बँकिंग पेपर - 2
16 मार्च - भूगोल
17 मार्च - इतिहास
20 मार्च - समाजशास्त्र

Education Loan Information:
Calculate Education Loan EMI

About the author वेदांत नेब

एबीपी माझा या वृत्तवाहिनीमध्ये आणि पत्रकारिता क्षेत्रात गेली अकरा वर्षापासून कार्यरत आहेत. एबीपी माझा या वृत्तवाहिनीमध्ये सध्या "मुंबई ब्युरो चीफ" या पदावर कार्यरत आहे. या मागील अकरा वर्षाच्या कार्यकाळात राजकीय, शैक्षणिक, सामाजिक, सांस्कृतिक क्षेत्रातील विविध प्रश्न आपल्या बातमीद्वारे महाराष्ट्रतल्या जनतेसमोर मांडत आहे.

प्रत्येक विषयाची, बातमीची योग्य पद्धतीने मांडणी करून आपल्या इलेक्ट्रॉनिक मीडियाच्या माध्यमातून आपल्या बातमीची छाप कशी पडेल आणि लोकांपर्यंत ती सहज त्यांना समजेल अशा भाषेत कशी जाईल यासाठी प्रयत्नशील आहे.

छत्रपती संभाजी नगर हे मूळ गाव असून पहिली ते पदवीच शिक्षण करून पुणे विद्यापीठातून मास्टर ऑफ कम्प्युटर अप्लिकेशन (MCA) पूर्ण करत पदव्युत्तर शिक्षण घेतल. पदव्युत्तर शिक्षण आयटी क्षेत्रात घेतल्यानंतर आपल्या आवडीच्या पत्रकारिता क्षेत्रात मुंबईच्या झेवीयर्स महाविद्यालयामध्ये पत्रकारिता डिप्लोमा कोर्स आणि त्यानंतर पत्रकारितेत सुद्धा एम ए (मास कम्युनिकेशन अँड जर्नलिझम ) छत्रपती संभाजी नगर -डॉ. बाबासाहेब आंबेडकर मराठवाडा विद्यापीठा विद्यापीठातून पूर्ण केला

एबीपी माझामध्ये 2016 पासून काम करत आहे. 2019,2024 लोकसभा विधानसभा निवडणुका, पक्ष फुटी पासून ते सत्तांतराच्या बातम्या अगदी जवळून कव्हर केल्या, शिक्षण क्षेत्रात मुंबई विद्यापीठाचा गोंधळ, विद्यार्थी शिक्षकांचे प्रश्न, शिक्षण क्षेत्रातल्या रोजच्या घडामोडी इथपासून ते शिक्षक विद्यार्थी आंदोलनतले प्रश्न, दिल्लीतील जंतर-मंतर येथे झालेलं विद्यार्थ्यांचा आंदोलन असे अनेक विद्यार्थ्यांच्या युवांच्या निगडित घडामोडी, त्यांचे प्रश्न मांडण्याचे काम करत आहे

विधानसभा निवडणुकीत 'पोस्टमन माझा' सारखा 'एबीपी माझा' वृत्तवाहिनीच्या विशेष कार्यक्रमात आपल्या करेक्टर रिपोर्टिंगद्वारे विविध मतदार संघातील मतदारांचे प्रश्न स्थानिक आमदार, राज्याचे मुख्यमंत्री यांच्याकडे पत्राद्वारे मांडले. महानिर्वाणदिनी भीमगीत गायिका सुषमादेवी यांचा काळाच्या पडद्याआड गेलेला बुलंद आवाज महाराष्ट्रसमोर आणला.

कोरोना काळात शोध पत्रकारितेतून कोरोना रुग्णांना लुटणाऱ्या टोळीचा पर्दाफाश करत "ऑपरेशन लुटारू" या स्टिंग ऑपरेशनच्या मालिकेतून बेड पासून रुग्णवाहिकेसाठी, कोरोना टेस्टसाठी कशी लूट केली जाते अश्या अनेक गोष्टी सरकार समोर मांडल्या.

आतापर्यंत केलेल्या कामाबद्दल खालील पुरस्कार प्रदान करण्यात आले

राज्य सरकारच्या वतीने देण्यात येणारा महाराष्ट्र शासन पु.ल. देशपांडे उत्कृष्ट दूरचित्रवाणी वृत्तकथा पुरस्कार -2019

ईएनबीए राष्ट्रीय पुरस्कार 2019

राज्यस्तरीय युवा पत्रकार संघ पुरस्कार 2024

सांस्कृतिक कलादर्पण पुरस्कार 2026

सन्मान देवदूतांचा पुरस्कार 2021

श्रेष्ठ सन्मान एबीपी माझा पुरस्कार 2019

चौथा स्तंभ राज्यस्तरीय विशेष पत्रकारिता पुरस्कार 2019

श्रेष्ठ सन्मान एबीपी माझा पुरस्कार 2019

Published at : 04 Nov 2022 02:58 PM (IST)

Tags :

Application HSC Exam SSC Exam HSC SSC