Akola Crime: अल्पवयीन मुलीवर अत्याचार करणाऱ्या आरोपीला इंदौरमधून अटक; कठोर कारवाईच्या मागणीसाठी आज अकोल्यात सकल हिंदू समाजाचा जन आक्रोश मोर्चा
Akola Crime News : अकोल्यात 16 वर्षीय अल्पवयीन मुलीवर अत्याचार करणारा आरोपीला अटक करण्यात पोलिसांना यश आले आहे. मध्यप्रदेशातील इंदौरमधून अकोला पोलिसांच्या स्थानिक गुन्हे शाखेने त्याला अटक केली आहे.
Akola Crime News : अकोल्यात 16 वर्षीय अल्पवयीन मुलीवर अत्याचार करणारा आरोपी तोहीद खान समीर खान याला अटक करण्यात पोलिसांना यश आले आहे. मध्यप्रदेशातील इंदौरमधून अकोला पोलिसांच्या स्थानिक गुन्हे शाखेने त्याला अटक (Akola Crime news) केली आहे. गणपती विसर्जनाच्या दिवशी मुलीच्या घरी कुणी नसल्याने संधी साधत चाकूच्या धाकावर मुलीवर अत्याचार केला होता.
दरम्यान, गुन्हा केल्यानंतर गेल्या सहा दिवसापासून आरोपी तोहीद खान समीर खान फरार होता. अशातच पोलिसांनी तपासाचे चक्र अधिक गतिमान करत अकोला पोलिसांनी आरोपीच्या शोधासाठी मध्यप्रदेश, गुजरात आणि उत्तर प्रदेशमध्ये सर्च ऑपरेशन राबवलं होतं. अशातच या आरोपीचा मुसक्या आवळण्यात पोलिसांना यश आले आहे. सध्या या प्रकरणाचा अधिक तपास अकोला पोलीस करत आहे.
कठोर कारवाईच्या मागणीसाठी आज सकल हिंदू समाजाचा जन आक्रोश मोर्चा
दरम्यान आज (12 सप्टेंबर 2025) दुपारी बारा वाजता अकोल्यात आरोपीवर कठोर कारवाईच्या मागणीसाठी सकल हिंदू समाजाचा जन आक्रोश मोर्चा निघणार आहे. अहिल्यानगरचे राष्ट्रवादी काँग्रेसचे आमदार संग्राम जगताप या मोर्चाला संबोधित करणार आहे. तर अकोला शहराचे ग्रामदैवत असलेल्या राजराजेश्वर मंदिरापासून मोर्चाला सुरुवात होणार असून जिल्हाधिकारी कार्यालयावर या मोर्चाचा समारोप होणार आहे. या मोर्चाला अनेक हिंदू संघटना सहित राजकीय पक्षांचा देखील पाठिंबा आहे. तर शहरातील अनेक मुस्लिम संघटनांनीही दोषी आरोपीवर कठोर कारवाईची मागणी केली आहे.
दारूच्या नशेत मुलाने केला आईचा खून, कणकवलीतील वारगाव येथील घटना
दारूच्या नशेमध्ये मुलानेच आपल्या आईचा खून केल्याची घटना कणकवली तालुक्यातील वारगाव, सोरफ-सुतारवाडी येथे रात्री च्या सुमारास राहत्या घरी घडली. प्रभावती सोरफ या ८० वर्षीय मृत महिलेचे नाव आहे. कणकवली पोलिसांनी घटनास्थळी धाव घेत मुलगा रवींद्र सोरफ याला ताब्यात घेतले आहे. त्याच्यावर गुन्हा दाखल करण्यात आला आहे. संशयित आरोपी रवींद्र सोरफ याला दारूचे व्यसन आहे. सोरफ कुटुंबीय वारगांव सोरफ - सुतारवाडी येथील एका घरात रात्रीच्या सुमारास प्रभावती आणि मुलगा रवींद्र काही कारणावरून वाद झाला. त्यातून संतप्त झालेल्या रवींद्र याने थेट कोयत्याने आईच्या डोक्यावर आणि शरीरावर ठिकठिकाणी वार केले. रवींद्र याने रक्तबंबाळ स्थितीतील आईला ओढत घराच्या हॉलमध्ये आणले. स्थानिकांनी याबाबत माहिती कणकवली पोलिसांना दिल्यानंतर पोलिस घटनास्थळी दाखल झाले. त्यावेळी प्रभावती यांचा जागीच मृत्यू झाला होता. त्यांच्या डोक्यावर ठिकठिकाणी कोयत्याचे गंभीर वार होते. पोलिसांनी मुलगा रवींद्र याला ताब्यात घेऊन कणकवली पोलिस ठाण्यात आणले. त्याची कसून चौकशी सुरू आहे.
महत्वाच्या बातम्या:
महत्त्वाच्या बातम्या
