Share Market Opening Bell: शेअर बाजारात तेजीचे संकेत; सेन्सेक्सने गाठला 60 हजार अंकांचा टप्पा

Share Market Opening Bell: शेअर बाजारात आज तेजीचे संकेत दिसून येत असून सेन्सेक्स निर्देशांकाने 60 हजार अंकांचा टप्पा गाठला.

Share Market Opening Bell: शेअर बाजारात तेजीचे संकेत; सेन्सेक्सने गाठला 60 हजार अंकांचा टप्पा

Share Market Opening Bell: शेअर बाजारात तेजीचे संकेत दिसत आहेत. आज  बाजारातील व्यवहारांना सुरुवात झाल्यानंतर शेअर बाजार वधारला.  सेन्सेक्सने (Sensex) 60 हजार अंकांचा टप्पा गाठला. निफ्टी (Nifty) 17,756.40 अंकांवर खुला झाला. प्री-ओपनिंग सत्रात फारसा चढ-उतार दिसून आला नव्हता. मात्र, व्यवहाराला सुरुवात झाल्यानंतर सेन्सेक्सने 60 हजार अंकांचा टप्पा गाठला. 

शेअर बाजारात प्री-ओपनिंग सत्रात सेन्सेक्स, निफ्टी संमिश्र ट्रेंड दिसून येत होता. निफ्टीत तेजी दिसली तर सेन्सेक्समध्ये घसरण दिसून आली. सकाळी 9.31 वाजण्याच्या सुमारास मुंबई शेअर बाजाराचा निर्देशांक सेन्सेक्स 233 अंकांनी वधारत 59,990.79 अंकांवर व्यवहार करत होता. राष्ट्रीय शेअर बाजाराचा निर्देशांक निफ्टी 56.95 अंकांनी वधारत 17,793.90 अंकांवर व्यवहार करत होता. 

सेन्सेक्स निर्देशांकातील 30 पैकी 24  कंपन्यांच्या शेअर दरात तेजी दिसून येत आहे. तर, सहा कंपन्यांच्या शेअर दरात घसरण दिसून येत आहे. तर निफ्टीतील 50 पैकी 38 कंपन्यांच्या शेअर दरात तेजी दिसून येत आहे. तर, 12 कंपन्यांच्या शेअर दरात घसरण दिसत आहे. 

सेन्सेक्समध्ये एचडीएफसीमध्ये सर्वाधिक तेजी दिसून येत आहे. त्याशिवाय एनटीपीसी, सन फार्मा, बजाज फिनसर्व, रिलायन्स इंडस्ट्रीज, मारूती, बजाज फायनान्स, कोटक महिंद्रा बँक, एशियन पेंट्स, एचडीएफसी बँक, टायटन, विप्रो, भारती एअरटेल, एचडीएफसी, आयटीसी, एचयूएल, एचसीएल टेक, इंडसइंड बँक, टेक महिंद्रा, आयसीआयसीआय बँक आदी कंपन्यांच्या शेअर दरात तेजी दिसून येत आहे. 

गुरुवार बाजारात तेजी 

आंतरराष्ट्रीय स्तरावरील सकारात्मक संकेतांचा परिणाम भारतीय शेअर बाजारावर (Stock Market Updates) झाल्याचा दिसून आला. गुरुवारी बाजार बंद होताना मुंबई शेअर बाजाराचा निर्देशांक सेन्सेक्समध्ये (Sensex) 212 अंकाची वाढ झाली तर राष्ट्रीय शेअर बाजाराचा निर्देशाक निफ्टीमध्ये ( Nifty) 80 अंकांची वाढ झाली. सेन्सेक्समध्ये 0.36 टक्क्यांची वाढ होऊन तो 59,756 अंकावर पोहोचला. तर निफ्टीमध्ये 0.46 टक्क्यांची वाढ होऊन तो 17,737 वर पोहोचला. निफ्टी बँकमध्येही 176 अंकांची वाढ होऊन तो 41,299  अंकावर पोहोचला.