मुलीच्या नावानं गुंतवणूक करायचीय, SIP की सुकन्या समृद्धी योजना? तुम्ही कोणता पर्याय निवडाल?
तुमच्या मुलीच्या नावावर गुंतवणूक करण्याचा विचार करत असाल तर, तुमच्याकडे दोन उत्तम पर्याय आहेत. सुकन्या समृद्धी योजनेमध्ये (Sukanya Samriddhi Scheme) किंवा SIP म्युच्युअल फंडांत गुंतवणूक करु शकता.
Investment plan : आर्थिकदृष्ट्या दुर्बल घटकांना पाठबळ देण्यासाठी सरकारच्या (Govt) वतीनं विविध योजना चालवल्या जातात. या योजनांच्या माध्यमातून सरकार जनतेला दिलासा देण्याचं काम करते. गुंतवणुकीच्या देखील विविध योजना आहेत. या माध्यमातून जनतेला मोठा फायदा होतो. दरम्यान, तुम्ही तुमच्या मुलीच्या नावावर गुंतवणूक करण्याचा विचार करत असाल तर, तुमच्याकडे दोन उत्तम पर्याय आहेत. सुकन्या समृद्धी योजनेमध्ये (Sukanya Samriddhi Scheme) तुम्ही पैशांची गुंतवणूक करु शकता किंवा SIP द्वारे तुम्ही मार्केट लिंक्ड म्युच्युअल फंडांमध्ये गुंतवणूक करु शकता. तुम्हाला कोणत्या योजनेत किती परतावा मिळेल, याबाबतची सविस्तर माहिती पाहुयात.
सुकन्या समृद्धी योजनेवर 8.2 टक्के व्याजदर
मुलींच्या भविष्यासाठी, सरकार सुकन्या समृद्धी योजना (सुकन्या समृद्धी योजना 2024) चालवते. या योजनेत 8.2 टक्के व्याज मिळते. या योजनेत वार्षिक किमान 250 रुपये आणि जास्तीत जास्त 1.5 लाख रुपये जमा करता येतील. ही योजना 21 वर्षात परिपक्व होते. या योजनेत, पालकांना मुलीच्या नावे सलग 15 वर्षे पैसे जमा करावे लागतात. 10 वर्षांपर्यंतच्या मुलींचे पालक या योजनेत गुंतवणूक करु शकतात. या योजनेद्वारे चांगली रक्कम जोडू शकतात. ही योजना अशा पालकांसाठी खूप चांगली आहे ज्यांना सुरक्षित आणि हमी परतावा असलेल्या योजनेवर विश्वास आहे. त्यामुळं पैशांची गुंतवणूक करुन परतावा मिळवण्याचा हा चांगला मार्ग आहे.
SIP मध्ये गुंतवणूक केल्यास किती फायदा?
दरम्यान, तुम्ही जर थोडीशी जोखीम पत्करू शकत असाल, तर तुम्ही तुमच्या मुलीसाठी म्युच्युअल फंडामध्ये SIP द्वारे गुंतवणूक करु शकता. हे मार्केट लिंक्ड असल्यानं, तुम्हाला त्यात सुरक्षिततेची हमी देता येत नाही. परंतू तुम्ही 21 वर्षांत याद्वारे मोठा निधी जमा करु शकता. SSY मध्ये दरमहा 5000 जमा केल्यानं तुम्हाला किती परतावा मिळेल आणि तुम्ही त्याच रकमेची SIP सुरु केल्यास तुम्हाला काय मिळेल? जाणून घेऊयात सविस्तर माहिती.
सुकन्या समृद्धी योजनेत तुम्ही दरमहा 5000 रुपये गुंतवले तर 15 वर्षांत 900000 रुपये गुंतवले जातील. यानंतर पालकांना या योजनेत गुंतवणूक करावी लागणार नाही. परंतू, ती रक्कम लॉक करुन ठेवली जाईल. ही योजना 21 वर्षांनी परिपक्व होईल. 8.2 टक्के व्याज पाहिल्यास, या योजनेवर 18,71,031 व्याज मिळेल आणि 27,71,031 मुदतपूर्तीवर उपलब्ध होतील.
5000 च्या मासिक SIP मधून किती परतावा
तुम्ही SIP द्वारे म्युच्युअल फंडात दरमहा रु 5000 गुंतवल्यास, 15 वर्षात तुम्ही येथे 9,00,000 रु.ची गुंतवणूक कराल. SIP वर सरासरी परतावा 12 टक्के मानला जातो. अशा परिस्थितीत जर तुम्ही 12 टक्के हिशोब केला तर 15 वर्षांत तुम्हाला 9 लाख रुपयांच्या गुंतवणुकीवर 16,22,880 रुपये व्याज मिळेल आणि जर ही रक्कम 15 वर्षांतच काढली तर तुम्हाला 25,22,880 रुपये मिळतील. , जे सुकन्या समृद्धीवर आहे. परतावा 21 वर्षांच्या जवळपास आहे. जर तुम्ही ही गुंतवणूक आणखी 1 वर्षासाठी चालू ठेवली म्हणजे 15 ऐवजी 16 वर्षे गुंतवणूक केली तर 12 टक्के दराने तुम्हाला 29,06,891 रुपये मिळतील, जे सुकन्या समृद्धी योजनेच्या परताव्यापेक्षा खूप जास्त आहे. तुम्ही ही गुंतवणूक 21 वर्षे सतत सुरू ठेवल्यास, तुम्हाला SIP द्वारे 56,93,371 रुपये मिळू शकतात. तर 21 वर्षात तुमची एकूण गुंतवणूक 12,60,000 रुपये होईल. म्हणजेच तुम्हाला फक्त 44,33,371 रुपये गुंतवणुकीवर व्याज मिळेल.
महत्वाच्या बातम्या:
Japan Nomad Visa : सहा महिने देशात राहा, एक कोटी येन कमवा, जपानच्या नोमॅड व्हिसाची ऑफर; भारतीयांना लाभ मिळणार का?
महत्त्वाच्या बातम्या
