भारताचा परकीय चलन आणि सोन्याचा साठा घटला, आरबीआयकडून आकडेवारी जाहीर

India foreign exchange : 8 जुलै 2022 रोजी संपलेल्या आठवड्यात परकीय चलनसाठा 8.062 अब्ज डॉलरने घसरून 580.252 अब्ज डॉलर झाला आहे. रिझर्व्ह बँक ऑफ इंडियाने जारी केलेल्या आकडेवारीत ही माहिती देण्यात आली आहे.

Written By : दीपक पळसुले, एबीपी माझा | Edited By: धनाजी सुर्वे | Updated at : 15 Jul 2022 10:44 PM (IST)

India foreign exchange

RBI : देशाच्या परकीय चलनाच्या (India foreign exchange ) साठ्यात पुन्हा घट झाली आहे. 8 जुलै 2022 रोजी संपलेल्या आठवड्यात परकीय चलनसाठा 8.062 अब्ज डॉलरने घसरून 580.252 अब्ज डॉलर झाला आहे. रिझर्व्ह बँक ऑफ इंडियाने जारी केलेल्या आकडेवारीत ही माहिती देण्यात आली आहे.

यापूर्वी 1 जुलै 2022 रोजी संपलेल्या आठवड्यात परकीय चलन 5.008 अब्ज डॉलरने घसरून 588.314 अब्ज डॉलल झाले होते. आरबीआयच्या आकडेवारीनुसार, 24 जून 2022 रोजी संपलेल्या आठवड्यात चलन 2.734 अब्ज डॉलरने वाढून 593.323 अब्ज डॉलर झाले. यापूर्वी 17 जून रोजी संपलेल्या आठवड्यात परकीय चलन साठा 5.87 अब्ज डॉलरने घसरून 590.588 अब्ज डॉलर झाला होता. तर 10 जून 2022 रोजी संपलेल्या आठवड्यात तो 4.599 अब्ज डॉलरने घसरून 596.458 अब्ज डॉलर झाला होता.

FCA 6.656 अब्ज डॉलरने कमी

आरबीआयने जारी केलेल्या साप्ताहिक आकडेवारीनुसार, 8 जुलै रोजी संपलेल्या आठवड्यात परकीय चलन साठ्यातील ही घसरण मुख्यत्वे विदेशी चलन मालमत्ता (FCAs) मध्ये घट झाल्यामुळे झाली आहे, जी एकूण चलन साठ्याचा एक महत्त्वपूर्ण भाग आहे. अहवालाच्या आठवड्यात भारताचा FCA 6.656 अब्ज डॉलरने घसरून 518.089 अब्ज डॉलर झाल्याचे रिझव्‍‌र्ह बँकेने सांगितले. डॉलरमध्ये नामांकित, FCA मध्ये परकीय चलनाच्या साठ्यामध्ये असलेल्या युरो, पौंड आणि येन सारख्या इतर विदेशी चलनांच्या मूल्यात वाढ किंवा घट होण्याचा परिणाम देखील समाविष्ट आहे.

सोन्याचा साठाही कमी

अहवालाच्या आठवड्यात सोन्याच्या साठ्याचे मूल्य 1.236 अब्ज डॉलरने घसरून 39.186 अब्ज डॉलर झाले आहे. रिपोर्टिंग आठवड्यात, देशाचा SDR म्हणजेच आंतरराष्ट्रीय नाणेनिधी (IMF) मधील विशेष आहरण अधिकार 122 दशलक्ष डॉलरने कमी होऊन 18.012 अब्ज डॉलर झाले. IMF कडे ठेवलेला देशाचा चलन साठा देखील 49 दशलक्ष डॉलरने कमी होऊन 4966 अब्ज डॉलर झाला आहे.

About the author दीपक पळसुले, एबीपी माझा

दीपक पळसुले हे मागील 12 वर्षांपासून पत्रकारितेत कार्यरत आहेत. वृत्तनिवेदक म्हणून दशकभरापासून एबीपी माझामध्ये सक्रीय आहेत. अर्थ, राजकारण, समाजकारण, शेती,सांस्कृतिक, टेक-ऑटो अशा विविध विषयांमध्ये त्यांचा व्यासंग आहे.