डिजिटल युगात का मागितला जातो CANCELLED CHEQUE? जाणून घ्या सविस्तर माहिती

डिजिलट जमान्यातही कॅन्सल चेक का मागितला जातो? असा प्रश्न सर्वांनाच पडतो.

Cancelled Cheque

Cancelled Cheque : डिजिटलच्या युगात स्मार्टफोनवरुन एका सेंकदात एका बँक खात्यावरुन दुसऱ्या बँक खात्यावर पैसे ट्रान्सफर होतात. बँकिंगच्या (Banking) निगडित सर्व कामं ऑनलाइन होत आहेत. त्यासाठी बँकेत जाण्याची अथवा रांगेत उभं राहण्याची गरज नाही. त्यामुळे बँकेत जाणेही कमी झाले आहे. पण डिजिटलायजेशनमुळे झालेल्या बदलानंतरही कॅन्सल चेकची (Cancelled Cheque) परंपरा कायम आहे. आजही बँक अथवा विमा कंपन्या आपल्या ग्राहकांकडून कॅन्सिल चेक मागतात. अनेक कंपन्या नवीन कर्मचाऱ्यांकडूनही कॅन्सल चेक मागतात. त्यामुळे डिजिलट जमान्यातही कॅन्सल चेक का मागितला जातो? असा प्रश्न सर्वांनाच पडतो. (Utility News In Marathi)

 कॅन्सल चेकची गरज काय?
 जेव्हा तुम्ही एखाद्याला कॅन्सल चेक देता, तेव्हा त्यावर सही करण्याची गरज नाही. फक्त चेकवर कॅन्सल लिहावं लागतं. त्यानंतर चेकवर तिरकी रेष ओढावी लागते. ग्राहकाच्या अथवा कर्मचाऱ्यांचं बँक खाते व्हेरिफाय करण्यासाठी कॅन्सल चेक घेतला जातो.  

चेकवर काय असते माहिती? 
कॅन्सल चेक देण्याचा अर्थ बँकमध्ये तुमचं खातं आहे. चेकवर तुमचं नाव असेल किंवा नसेलही. कारण, चेकवर तुमच्या खात्याचा नंबर लिहिलेला असतो. त्यासोबतच बँकेच्या ब्रांचचा आयएफसी (IFSC) कोडही लिहिलेला असतो. त्यावरुन बँक अथवा कंपन्या तुमचं खात व्हेरियफाय करते. कारण, कॅन्सल चेकवर तुमच्या खात्याची डिटेल्स माहिती असते. त्यामुळे बँकेचा कॅन्सल चेक कुणालाही देऊ नका...  

कॅन्सल चेकवरुन पैसे निघतात का? 
कॅन्सल चेकद्वारे कुणीही तुमच्या खात्यावरुन पैसे काढू शकत नाही. कॅन्सल चेकचा वापर फक्त तुमचं खातं व्हेरिफाय करण्यासाठी होतो. जेव्हा कुणाला कॅन्सल चेक दिला जातो, त्यावर Cancelled लिहिलेलं असतं. कॅन्सल चेकचा चुकीचा वापर करु नये, त्यासाठी Cancelled लिहिलेलं असतं.  

कॅन्सल चेकची गरज का? 
जेव्हा आर्थिक काम करत असतो तेव्हा कॅन्सल चेकची गरज भासते. कार लोन, होम लोन अथवा पर्सनल लोन घेण्यासाठी गेल्यानंतर तुमच्याकडे कॅन्सल चेक मागितला जातो. पीएफ खात्यामधून ऑनलाइन पैसे काढत असाल तरिही कॅन्सल चेकची गरज भासते. म्यूचुअल फंडमध्ये गुंतवणूक करत असताना कंपनी तुम्हाला कॅन्सल चेक मागते. कॅन्सल चेकसाठी नेहमी ब्लॅक अशता ब्लू इंक असलेल्या पेनाचा वापर करावा. दुसऱ्या कोणत्याही रंगाच्या पेनाचा वापर कॅन्सल चेकसाठी नाही. 

कॅन्सल चेकची गरज केव्हा लागते ? - 
बॅकेकडून लोन घेताना
ईपीएफमधून पैसे काढण्यासाठी
डीमॅट खाते उघडण्यासाठी  
बँकमध्ये केवायसी कराण्यासाठी.
विमा खरेदी करण्यासाठी
आएमआय भरण्यासाठी
म्यूचुअल फंडमध्ये गुंतणूक करण्यासाठी

आणखी वाचा :
Utility News : एकापेक्षा जास्त Saving Account असणं फायद्याचं, कसं ते जाणून घ्या?
PPF खात्यामुळे व्हाल कोट्यधीश, निवृत्तीनंतर 2.26 कोटी मिळवण्यासाठी सरकारी योजनेत करा गुंतवणूक