Astrology : आज सर्वार्थ सिद्धी योगासह जुळून आले अनेक शुभ संयोग; मेषसह 'या' 5 राशींवर असणार लक्ष्मी नारायणाची कृपा

Astrology Panchang Yog 12 February 2025 : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींव र होणार आहे. या राशी नेमक्या कोणत्या ते जाणून घेऊयात. 

Astrology Panchang Yog 12 February 2025

Source : ABP Web Team

Astrology Panchang Yog 12 February 2025 : आज 12 फेब्रुवारीचा दिवस म्हणजेच बुधवारचा दिवस आहे. आजच्या दिवशी माघी पौर्णिमेचा दिवस असल्या कारणाने अनेकांसाठी आजचा दिवस खास असणार आहे. तसेच, आजच्या दिवशी सर्वार्थ सिद्धी योगासह (Yog) शोभन योगसुद्धा जुळून आला आहे. त्यामुळे आजच्या दिवसाचं महत्त्व फार वाढलं आहे. वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींव र होणार आहे. या राशी नेमक्या कोणत्या ते जाणून घेऊयात. 

मेष रास (Aries Horoscope)

मेष राशीच्या लोकांसाठी आजचा दिवस आनंददायी असणार आहे. आज तुमच्यावर देवी लक्ष्मी आणि भगवान विष्णूचा आशीर्वाद असणार आहे. तसेच, आज जे तरुण नोकरी बदलण्याचा विचार करतायत त्यांनी आपल्या विचारांवर ठाम असणं गरजेचं आहे. आज कामाच्या ठिकाणी तुम्हाला काहीसा संकटाचा सामना करावा लागेल. मात्र, हे संकट तात्पुरतं असणार आहे. तुमच्या कुटुंबात आज धार्मिक वातावरण तयार होईल. 

मिथुन रास (Gemini Horoscope)

मिथुन राशींच्या लोकांसाठी आजचा दिवस भाग्याचा असणार आहे. आज तुम्हाला सामाजिक क्षेत्रात चांगला विकास झालेला पाहायला मिळेल. तसेच, कुटुंबात तुमच्या जबाबदाऱ्या वाढलेल्या दिसतील. आज तुम्ही ते काम करा ज्यातून तुम्हाला आनंद मिळेल. तसेच, सामाजिक कार्यात तुमचा चांगला सहभाग पाहायला मिळेल. धार्मिक कार्यात तुमचं मन जास्त रमेल. 

सिंह रास (Leo Horoscope)

सिंह राशीच्या लोकांसाठी आजचा दिवस मध्यम फलदायी असणार आहे. आज तुमच्यावर कामाच्या काहीसा वाढता ताण दिसून येईल. मात्र, चिंता करण्याची गरज नाही. तसेच, तुमचे अनेक दिवसांपासून रखडलेले पैसे तुम्हाला परत मिळतील. जर तुम्हाला नवीन व्यवसायाची सुरुवात करायची असल्यास आजचा दिवस तुमच्यासाठी शुभ असणार आहे. आरोग्य देखील उत्तम असेल. 

धनु रास (Sagittarius Horoscope)

धनु राशीच्या लोकांसाठी आजचा दिवस चांगला असणार आहे. आज तुमच्या व्यवसायाचा विस्तार अधिक वाढलेला तुम्हाला दिसेल. तसे, आई-वडिलांचा तुम्हाला चांगला पाठिंबा मिळेल. जर तुम्ही प्रॉपर्टी खरेदीचा विचार करत असाल तर त्यासाठी आजचा दिवस तुमच्यासाठी शुभकारक असणार आहे. आज तुमच्या अनेक लोकांशी भेटीगाठी होतील. तुमच्या कामातून तुम्हाला समाधान मिळेल. 

मकर रास (Capricorn Horoscope)

मकर राशीच्या लोकांसाठी आजचा दिवस लाभदायक असणार आहे. आज सामाजिक क्षेत्रात तुमचा चांगला विकास झालेला पाहायला मिळेल. तसेच, आज तुम्ही एखाद्या मौल्यवान वस्तूंची खरेदी कराल. तसेच, तुमच्या घरात लवकरच शुभ कार्याचं आयोजन केलं जाऊ शकतं. तुमच्या भौतिक सुख समाधानात चांगली वाढ झालेली पाहायला मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: