Spinach Cultivation : पालकाची शेती, कमी खर्चात चांगला नफा; जाणून घ्या संपूर्ण प्रकिया

कमी खर्चात पालक शेतीतून चांगला नफा मिळवता येतो. वेगवेगळ्या वाणांच्या पालकाची लागवड करुन त्यातून चांगले उत्पन्न मिळवता येते. 

spinach cultivation

Spinach Cultivation : शेतकऱ्यांना सातत्यानं नवनवीन संकटांचा सामना करावा लागतो. कधी अस्मानी तर कधी सुलतानी संकट येतात. यावर देखील मात करत काही शेतकरी चांगली शेती करतात. कमी खर्चात जास्तीत जास्त उत्पन्न काढण्याचा प्रयत्न करतात. पालक शेती देखील अशीच आहे. कमी खर्चात पालक शेतीतून चांगला नफा मिळवता येतो. वेगवेगळ्या वाणांच्या पालकाची लागवड करुन त्यातून चांगले उत्पन्न मिळवता येते. 

 रब्बी, खरीप या दोन्ही हंगामात पालकाची लागवड करणं शक्य

भारतात पालकाची लागवड ही रब्बी, खरीप या दोन्ही हंगामात केली जाते. पालक शेतीसाठी पाण्याचा निचरा होणारी चांगली जमीन गरजेची असते. हलक्या चिकणमातीच्या जमिनीत पालकाचे चांगले उत्पन्न मिळते. तज्ज्ञांनी दिलेल्या माहितीनुसार एका हेक्टरमध्ये पालकाच्या लागवडीसाठी 30 किलो बियाणे आवश्यक असते. तर शिंपडणी पद्धतीने लागवडीसाठी 40 ते 45 किलो बियाणे आवश्यक असते. पेरणीपूर्वी बियाण्यास 2 ग्रॅम कॅप्टन प्रति किलोग्रॅमची प्रक्रिया करावी, जेणेकरून उत्पादन चांगले मिळेल. पेरणीसाठी, दोन रोपांमध्ये 7 ते 10 सेमीचे अंतर ठेवा. हवामान आणि मातीच्या प्रतवारीनुसार जास्त उत्पादन देणाऱ्या सुधारित वाणांची निवड करु शकता. 

देशी पालक

देशी पालक बाजारात चांगल्या दराने विकला जातो. देशी पालकाची पाने लहान, गुळगुळीत आणि अंडाकृती असतात. ही पालकाची भाजी खूप लवकर तयार होते. म्हणून बहुतेक शेतकरी त्याची लागवड करतात.

विलायती पालक

परदेशी पालकाच्या बिया गोल आणि काटेरी असतात. डोंगराळ आणि थंड ठिकाणी काटेरी बियाणे वाढवणे अधिक फायदेशीर आहे. मैदानी भागातही गोल जातींची लागवड केली जाते.

सर्व हिरवी पालक 

सर्व हिरवी पालक 15 ते 20 दिवसांत तयार होते. एकदा पेरणी केल्यानंतर ते सहा ते सात वेळा पाने कापू शकता. हे वाण निःसंशयपणे जास्त उत्पादन देते. परंतु हिवाळ्यात लागवड केल्यास 70 दिवसांत बियाणे आणि पाने तयार होतात.

पुसा हरित

वर्षभराचा खप भागवण्यासाठी अनेक शेतकरी पुसा हरितची लागवड करतात. हे सरळ वरच्या बाजूस वाढते आणि त्याची पाने गडद हिरवी आणि आकाराने मोठी असतात.अल्कधर्मी जमिनीवर याची लागवड करण्याचे अनेक फायदे आहेत.