उत्तर प्रदेश : काँग्रेस पक्ष फक्त मुस्लिम पुरुषांसाठीच आहे का? : मोदी

काँग्रेस पक्ष फक्त मुस्लिम पुरुषांसाठीच आहे का, असा सवाल पंतप्रधान नरेंद्र मोदी यांनी केलाय. उत्तरप्रदेशातील आझमगढमध्ये एका सभेत बोलताना मोदींनी काँग्रेसवर जोरदार हल्ला चढवला. विरोधक संसदेचं कामकाज बंद पाडण्याबरोबरच तिहेरी तलाक सारख्या संवेदनशील विधेयकाचा मार्गही रोखून धरत असल्याची टीका त्यांनी केली. तिहेरी तलाकच्या मुद्द्यावर काँग्रेसची जी भूमिका होती त्यातून त्यांचा खरा चेहरा उघड झालाय. केंद्र सरकार महिलांचं आयुष्य सुखकर करण्यासाठी प्रयत्न करत आहे. तर दुसऱ्या बाजूला काँग्रेस आणि अन्य पक्ष एकत्र येऊन खासकरुन मुस्लिम महिलांचं जीवन खडतर बनवत असल्याची टीकाही त्यांनी केलीय. आज ३४० किलोमीटरच्या पूर्वांचल एक्सप्रेसचं भूमीपूजन मोदींच्या हस्ते करण्यात आलं.