मुंबई : 'तारक मेहता...'मध्ये डॉ. हाथीची भूमिका साकारणारे कवी कुमार यांचं निधन

सब टीव्हीवरील 'तारक मेहता का उल्टा चश्मा' या लोकप्रिय मालिकेत डॉ. हंसराज हाथीची भूमिका साकारणारे अभिनेते कवी कुमार आझाद यांचं निधन झालं आहे. हृदयविकाराच्या झटक्याने मुंबईत त्यांचा मृत्यू झाला. कवी कुमार आझाद अनेक वर्षांपासून या मालिकेत काम करत होते.

मागील तीन दिवसांपासून कवी कुमार आझाद यांची तब्येत ठीक नव्हती. त्यांना मुंबईतील मीरा रोड इथल्या वोकहार्ड्ट हॉस्पिटलमध्ये दाखल करण्यात आलं होतं. तिथेच त्यांची प्राणज्योत मालवली.

हसमुख आणि मनमिळावू स्वभावाच्या कवी कुमार आझाद यांच्या निधनाने टीव्ही इंडस्ट्रीवर शोककळा पसरली आहे. त्यांच्या निधनाची बातमी समजल्यानंतर फिल्म सिटीमध्ये सुरु असलेलं चित्रीकरण रद्द करण्यात आलं आहे.