Vijay Karanjkar Loksabha : ठाकरे गटाचे नेते विजय करंजकर लोकसभेच्या रिंगणात, मविआला मोठा धक्का

उद्धव ठाकरेंचे निष्ठावान कार्यकर्ते म्हणून ओळख असलेले आणि ठाकरे गटाचे नाशिक लोकसभा संघटक विजय करंजकर यांनी अखेर बंडखोरी केलीये. करंजकर यांनी आज अपक्ष म्हणून अर्ज भरला. महाविकास आघाडीला हा मोठा झटका मानला जात असून येत्या दोन दिवसात ते आपली पुढील भूमिका स्पष्ट करणार आहेत, विशेष म्हणजे माझ्या सोबत भगूर, त्र्यंबकेश्वर, इगतपुरी, नाशिकमधील 27 ते 30 नगरसेवक आहेत, असा दावा त्यांनी केला आहे. करंजकर हे महाविकास आघाडीकडून नाशिकच्या जागेसाठी इच्छुक होते मात्र ऐनवेळी त्यांचा पत्ता कट करून राजाभाऊ वाजेंना तिकीट देण्यात आल्यानं ते नाराज झाले.