Yogesh Kadam Mother Bar Raid | गृहराज्यमंत्र्यांच्या मातोश्रींच्या Savali Bar वर धाड, FIR कॉपी हाती

विधान परिषदेत गृहराज्यमंत्री योगेश कदम यांच्यावर अनिल परब यांनी आरोप केले होते. गृहराज्यमंत्र्यांच्या आईच्या नावे मुंबईतील सावली बारचा परवाना असल्याचा आणि त्या बारवर पोलिसांनी अश्लील नृत्याप्रकरणी कारवाई केल्याचा आरोप होता. एबीपी माझा या प्रकरणाची सत्यता पडताळण्यासाठी सावली बारचा आढावा घेतला. या आढाव्यात एफआयआरची कॉपी मिळाली आहे. एफआयआर कॉपीमध्ये नमूद माहितीनुसार, तीस मे रोजी रात्री पोलिसांनी या बारवर कारवाई केली. अश्लील नृत्य प्रकरणी ही कारवाई करण्यात आली होती. छापेमारीमध्ये बावीस बारबाला, पंचवीस ग्राहक, वेटर, कॅशियर आणि मॅनेजरला ताब्यात घेण्यात आले. मॅनेजरने दिलेल्या जबाबानुसार, बारचा परवाना ज्योतीरामदास कदम यांच्या नावे आहे. ज्योतीरामदास कदम या गृहराज्यमंत्री योगेश कदम यांच्या मातोश्री आणि माजी मंत्री रामदास कदम यांच्या पत्नी आहेत. तीस मे रोजी रात्री अकरा वाजता समतानगर पोलिसांनी छापेमारी केली आणि पहाटे चार वाजेपर्यंत बावीस बारबालांना ताब्यात घेतले. काही ग्राहक, कॅशियर आणि वेटर यांनाही ताब्यात घेण्यात आले. या प्रकरणामुळे गृहराज्यमंत्र्यांच्या आईच्या नावाने चालणारा बार आणि त्यावर पोलिसांकडून झालेली कारवाई हे गंभीर प्रकरण असल्याचे अनिल परब यांनी समोर आणले. कांदिवलीतील सावली बार तीस मेपासून बंद आहे. एकतीस मेपासून सावली बार बंद आहे.