Women's Heart Attack: महिलांमध्ये 'हार्ट अटॅक'चे प्रमाण वाढले, कारणे आणि लक्षणे काय?

जगात महिलांमध्ये हृदयविकाराचे प्रमाण झपाट्याने वाढत आहे. पूर्वी पुरुषांच्या तुलनेत महिलांना हृदयविकाराचे प्रमाण कमी होते, पण आता ते मोठ्या प्रमाणात वाढले आहे. अनेक जबाबदाऱ्या आणि कामाच्या ताणामुळे महिला स्वतःच्या आरोग्याकडे दुर्लक्ष करतात, जे घातक ठरू शकते. अगदी चाळीस वर्षाखालील महिलांमध्येही हृदयविकाराच्या झटक्याचे प्रमाण वाढत आहे. जाडेपणा, उच्च रक्तदाब, मधुमेह आणि तणाव ही वाढत्या प्रमाणाची प्रमुख कारणे आहेत. तसेच, स्क्रीन टाइम वाढणे, झोपेची कमतरता, धुम्रपान, अनियंत्रित उच्च रक्तदाब आणि बैठी जीवनशैली यामुळे हृदयाची लय विस्कळीत होते. छातीत सौम्य अस्वस्थता, श्वास घेण्यास अडचण, थकवा, वजन वाढणे, पाठ, मान किंवा जबड्यात वेदना, उलट्या होणे किंवा चक्कर येणे ही लक्षणे आहेत. महिला अनेकदा या लक्षणांकडे अपचन म्हणून दुर्लक्ष करतात. पोट किंवा छातीत कोणतीही अस्वस्थता जाणवल्यास त्वरित हॉस्पिटलमध्ये जाणे आवश्यक आहे. वेळेवर उपचार न मिळाल्यास धोका वाढतो.