Voter List Scam: 'मतदार याद्या तपासा, एकही बोगस मतदार नको', BMC निवडणुकीसाठी Uddhav Thackeray यांचे आदेश

मुंबई महापालिका निवडणुकीच्या (BMC Election) पार्श्वभूमीवर शिवसेना (UBT) पक्षप्रमुख उद्धव ठाकरे (Uddhav Thackeray) यांनी सेना भवनात (Sena Bhavan) विभागप्रमुख आणि पदाधिकाऱ्यांची महत्त्वाची बैठक बोलावली आहे. मतदार याद्यांमधील घोटाळ्याच्या (Voter List Scam) आरोपानंतर 'एकही बोगस मतदार चालणार नाही, गाफील राहू नका, तयारीला लागा' असे स्पष्ट निर्देश उद्धव ठाकरे यांनी पदाधिकाऱ्यांना दिले असल्याची माहिती आहे. काल MVA ने काढलेल्या 'सत्याचा मोर्चा' नंतर आज होणाऱ्या या बैठकीत उमेदवारांची चाचपणी, मतदार याद्यांची तपासणी आणि निवडणूक आयोगाच्या कार्यक्रमावर चर्चा होणार आहे. ११ तारखेला होणाऱ्या आरक्षण सोडतीकडेही (Ward Reservation Lottery) पक्षाचे लक्ष असून, त्यानुसार उमेदवारी निश्चित करण्याची रणनीती ठरवली जाणार आहे. त्यामुळे या बैठकीत मुंबई निवडणुकीची पुढील दिशा निश्चित होण्याची शक्यता आहे.