Alliance Politics: 'भाजप सोडून कुणासोबतही जा', स्थानिक निवडणुकींसाठी Sharad Pawar यांच्या राष्ट्रवादीचा मोठा निर्णय

राष्ट्रवादी काँग्रेस शरदचंद्र पवार पक्षाने (NCP Sharadchandra Pawar) आगामी स्थानिक स्वराज्य संस्थांच्या (Local Body Elections) निवडणुकांसाठी एक महत्त्वपूर्ण रणनीती जाहीर केली आहे. पक्षाध्यक्ष शरद पवार (Sharad Pawar) यांनी पदाधिकाऱ्यांना भाजप (BJP) वगळता इतर कोणत्याही पक्षासोबत स्थानिक पातळीवर युती करण्याचे पूर्ण स्वातंत्र्य दिले आहे. 'भाजप सोडून जर इतर पक्षांसोबत तुम्हाला जाणं अनुकूल असेल तर तुम्ही नक्की त्या संदर्भात स्थानिक पातळीवर निर्णय घ्यावा,' अशा स्पष्ट सूचना या बैठकीत देण्यात आल्या. मुंबईतील वाय. बी. चव्हाण सेंटर येथे झालेल्या पक्षाच्या महिला आघाडीच्या दोन दिवसीय बैठकीत हा निर्णय घेण्यात आला. या बैठकीला पक्षाच्या राष्ट्रीय कार्याध्यक्ष सुप्रिया सुळे (Supriya Sule), महिला आघाडीच्या प्रदेशाध्यक्ष रोहिणी खडसे (Rohini Khadse) आणि खासदार फौजिया खान (Fauzia Khan) उपस्थित होत्या. या निर्णयामुळे कार्यकर्त्यांना बळ मिळेल आणि निवडणुकीत यश मिळवण्याची शक्यता वाढेल, असे मानले जात आहे.