Rohit Arya Death: मृत्यूचं गूढ वाढलं! तीन डॉक्टरांकडून दोन तास शवविच्छेदन, संपूर्ण प्रक्रियेचं व्हिडीओ रेकॉर्डिंग

मुंबईतील पवई (Powai) येथे १७ मुलांना ओलीस धरल्यानंतर पोलीस कारवाईत ठार झालेल्या रोहित आर्याच्या (Rohit Arya) मृत्यू प्रकरणाला नवं वळण मिळालं आहे. त्याच्या मृतदेहाचे शवविच्छेदन (Post-mortem) तीन तज्ज्ञ डॉक्टरांच्या पॅनलसमोर करण्यात आले. 'शवविच्छेदनाची संपूर्ण प्रक्रिया व्हिडिओ कॅमेरा समोर करण्यात आली आहे आणि ही प्रक्रिया पूर्ण करण्यासाठी तब्बल दोन तास लागले,' अशी माहिती सूत्रांनी दिली आहे. शवविच्छेदनावेळी रोहित आर्याच्या कुटुंबातील एक सदस्य शवविच्छेदन कक्षाबाहेर उपस्थित होता, तसेच गुन्हे शाखेचे पोलीसही घटनास्थळी हजर होते. रोहित आर्याने मुलांना ओलीस धरण्यापूर्वी एक व्हिडिओ जारी केला होता, ज्यामध्ये त्याने म्हटले होते की तो आत्महत्या करण्याऐवजी एक मोठे पाऊल उचलत आहे आणि त्याला काही नैतिक प्रश्नांची उत्तरे हवी आहेत. आता शवविच्छेदन अहवाल आल्यानंतरच मृत्यूचं नेमकं कारण स्पष्ट होणार आहे, ज्यामुळे या प्रकरणाची संवेदनशीलता अधिकच वाढली आहे.