Pune Land Row: 'मुरलीधर मोहोळ यांनी बिल्डरसोबत मिळून जमीन हडपली', राजू शेट्टींचा थेट आरोप!

पुण्यातील मॉडेल कॉलनी परिसरातील जैन समाजाच्या बोर्डिंगच्या जागेवरून वाद पेटला असून, स्वाभिमानी शेतकरी संघटनेचे अध्यक्ष राजू शेट्टी यांनी केंद्रीय राज्यमंत्री मुरलीधर मोहोळ यांच्यावर गंभीर आरोप केले आहेत. 'मुरलीधर मोहोळ आणि दोन बिल्डरांनी मिळून ही जमीन हडपल्याचा' थेट आरोप राजू शेट्टींनी केला आहे. या प्रकरणी जैन समाजाने विश्वस्तांवर बेकायदेशीरपणे विक्री केल्याचा आरोप करत जिल्हाधिकारी कार्यालयावर मोर्चा काढला. मात्र, 'एबीपी माझा'च्या रियालिटी चेकमध्ये समोर आलेल्या कागदपत्रांनुसार, मुरलीधर मोहोळ यांनी संबंधित बिल्डरसोबतची भागीदारी काही वर्षांपूर्वीच संपवली होती आणि त्यांचे व्यावसायिक विशाल गोखले यांच्याशी आता कोणतेही संबंध नाहीत, ज्यांना ही जागा देण्याचा निर्णय झाला आहे. शेट्टी यांनी या व्यवहाराला 'संशयास्पद' म्हटले असून, राजकीय संरक्षणामुळे हा प्रकार घडत असल्याचा दावा केला आहे.