Rahul Gandhi Priyanka Gandhi : राहुल अमेठीतून तर प्रियांका रायबरेलीतून लढणार ?

Rahul Gandhi Priyanka Gandhi : राहुल अमेठीतून तर प्रियांका रायबरेलीतून लढणार ? 
काँग्रेस नेते राहुल गांधी पुन्हा उत्तर प्रदेशातील अमेठीतून निवडणूक लढवणार असल्याची माहिती सूत्रांनी दिलीय. तर काँग्रेसच्या महासचिव प्रियंका गांधी उत्तर प्रदेशातील रायबरेलीतून निवडणूक लढवणार असल्याचीही माहिती समोर आलीय. अमेठी आणि रायबरेली हा काँग्रेसचा पारंपरिक मतदारसंघ आहे. २०१९ च्या लोकसभा निवडणुकीत अमेठीतून राहुल गांधींचा भाजप खासदार स्मृती इराणी यांनी पराभव केला होता. तर रायबरेलीमधून सोनिया गांधी विजयी झाल्या होत्या. परंतु प्रकृतीच्या कारणास्तव सोनिया गांधींनी लोकसभा निवडणुकीतून माघार घेतलीय. त्यामुळे रायबरेली मतदारसंघातून प्रियंका गांधी निवडणूक लढवण्याची शक्यता आहे. तर राहुल गांधी वायनाडसह अमेठीतून निवडणूक लढवण्याची शक्यता आहे. त्यामुळे पुन्हा एकदा अमेठीत राहुल गांधी विरुद्ध स्मृती इराणी असा सामना रंगण्याची शक्यता आहे.या दोन्ही जागांसाठी उद्या म्हणजेच २६ एप्रिलला अर्ज भरण्यास सुरुवात होणार आहे.