Pune Metro Expansion: ‘प्रवासाचा वेळ वाचेल, प्रदूषण कमी होईल’, अजित पवारांची मोठी घोषणा

पुणे मेट्रोच्या (Pune Metro) विस्ताराला मोठी गती मिळाली असून, उपमुख्यमंत्री अजित पवार (Ajit Pawar) यांनी दोन नवीन उपमार्गिकांना मंजुरी दिल्याची घोषणा केली आहे. 'या मेट्रोमुळे प्रवासाचा वेळ वाचेल आणि प्रदूषण कमी होण्यास मदत होईल,' असे अजित पवार यांनी पायाभूत सुविधा समितीच्या बैठकीत सांगितले. मंजूर झालेले दोन मार्ग हडपसर ते लोणी काळभोर (Hadapsar to Loni Kalbhor) आणि हडपसर बस डेपो ते सासवड रोड (Hadapsar Bus Depot to Saswad Road) असे आहेत. या दोन्ही मार्गांची एकूण लांबी १६ किलोमीटर असेल आणि त्यात १४ उन्नत स्थानकांचा समावेश असेल. या निर्णयामुळे पुणे शहराच्या पूर्वेकडील वाहतूक कोंडी कमी होण्यास मदत होणार असून, हडपसर, फुरसुंगी आणि लोणी काळभोर यांसारख्या वेगाने वाढणाऱ्या उपनगरांना फायदा होणार आहे. महामेट्रोमार्फत या प्रकल्पाची अंमलबजावणी केली जाणार आहे.