EC Protest: MVA-MNS एकत्र, 1 नोव्हेंबरला निवडणूक आयोगाविरोधात 'विराट मोर्चा', Uddhav आणि Raj Thackeray रस्त्यावर उतरणार

मतदार यादीतील (voter lists) गंभीर अनियमिततेच्या मुद्द्यावरून महाराष्ट्रातील राजकीय वातावरण तापले आहे. महाविकास आघाडी (MVA) आणि महाराष्ट्र नवनिर्माण सेना (MNS) यांनी एकत्र येत 1 नोव्हेंबर रोजी निवडणूक आयोगाच्या (Election Commission) विरोधात मुंबईत 'विराट मोर्चा' काढण्याची घोषणा केली आहे. 'या मोर्चामध्ये शिवसेना, माननीय उद्धव बाळासाहेब ठाकरे यांच्या नेतृत्वाखाली भारतीय राष्ट्रीय काँग्रेस, राष्ट्रवादी काँग्रेस पार्टी, महाराष्ट्र नवनिर्माण सेना, शेतकरी कामगार पक्ष, कम्युनिस्ट पार्टी, त्यानंतर भारतीय कम्युनिस्ट पार्टी अशे सर्व प्रमुख पक्ष...सहभागी होणार', अशी माहिती आयोजकांनी दिली. या मोर्चात उद्धव ठाकरे (Uddhav Thackeray), शरद पवार (Sharad Pawar), आणि राज ठाकरे (Raj Thackeray) यांच्यासह प्रमुख नेते सहभागी होणार असल्याचे सांगण्यात येत आहे. सुमारे एक कोटी बोगस मतदार (bogus voters) असल्याचा आरोप विरोधकांनी केला असून, निवडणूक प्रक्रिया पारदर्शक करण्याची मागणी केली आहे.