Diwali Drone Flying Lantern Ban : दिवाळीत ड्रोन आणि फ्लाईंग कंदील उडवण्यावर बंदी

दिवाळीच्या पार्श्वभूमीवर मुंबई शहरात नागरिकांची सुरक्षितता आणि शांतता राखण्यासाठी महत्त्वाचे निर्णय घेण्यात आले आहेत. मुंबईमध्ये ड्रोन आणि फ्लाइंग कंदील उडविण्यास बंदी घालण्यात आली आहे. ७ ऑक्टोबर ते ५ नोव्हेंबर या कालावधीत ड्रोन उडविण्यावर पूर्णतः बंदी असेल. तसेच, १२ ऑक्टोबर ते १० नोव्हेंबर या तीस दिवसांसाठी फ्लाइंग कंदील उडविण्यास सक्त मनाई करण्यात आली आहे. याव्यतिरिक्त, फ्लाइंग कंदिलचा साठा करणे आणि त्याची विक्री करणे यावरही पूर्णतः बंदी असणार आहे. या आदेशाचे उल्लंघन करणाऱ्या व्यक्तींविरोधात कठोर कारवाई केली जाईल, असे स्पष्ट करण्यात आले आहे. हा निर्णय सार्वजनिक सुरक्षितता सुनिश्चित करण्यासाठी आणि संभाव्य धोके टाळण्यासाठी घेण्यात आला आहे. मुंबईतील सणासुदीच्या काळात कायदा व सुव्यवस्था राखण्यासाठी हे निर्बंध आवश्यक आहेत.