Mumbai Metro Row: मेट्रो स्थानकांच्या नावांवरून वाद, भाजपवर गंभीर आरोप

मुंबईतील नव्याने सुरू झालेल्या Aqua Line 3 वरील स्थानकांच्या नावांवरून राजकीय वाद निर्माण झाला आहे. काँग्रेसने स्थानकांच्या नामकरणात कॉर्पोरेट कंपन्यांच्या नावाचा समावेश केल्याबद्दल भाजपवर जोरदार टीका केली आहे. 'भाजप देवस्थानांची आणि महापुरुषांच्या नावांची विक्री करत असून भाजपचं हिंदुत्व कॉर्पोरेट हिंदुत्व आहे,' असा थेट आरोप काँग्रेसने केला आहे. मुंबई मेट्रो रेल कॉर्पोरेशनने (MMRC) पाच स्थानकांच्या नावांचे हक्क विकले आहेत, ज्यात कोटक महिंद्रा बँकेला छत्रपती शिवाजी महाराज टर्मिनस (CSMT) आणि ICICI Lombard ला सिद्धिविनायक स्थानकाचे नाव जोडण्याचा हक्क देण्यात आला आहे. या निर्णयामुळे महापुरुष आणि देवस्थानांचा अपमान होत असल्याचा दावा काँग्रेसने केला आहे. हा वाद मुंबईच्या पहिल्या पूर्णपणे भूमिगत मेट्रो मार्गावर झाला आहे, जो कुलाबा-वांद्रे-सीप्झला जोडतो.