BJP Land Row: भाजप कार्यालय जागेवरून वाद, रोहित पवार आयुक्तांच्या दारी

आमदार रोहित पवार यांनी भाजपच्या (BJP) प्रदेश कार्यालयासाठी दिलेल्या जागेवर आक्षेप घेत मुंबई महापालिका (BMC) आयुक्तांची भेट घेतली. 'भाजपाच्या प्रदेश कार्यालयाला चुकीच्या पद्धतीनं जागा दिली आहे, हा चुकीचा पांडा पाडला जातोय,' असा थेट आरोप रोहित पवार यांनी केला आहे. या भेटीनंतर बोलताना, आयुक्तांनी पुढच्या सात दिवसांत या प्रकरणाची माहिती घेण्याचे आश्वासन दिल्याचे पवार यांनी सांगितले. भाजपाला (BJP) देण्यात आलेल्या भूखंडामुळे एक चुकीचा पायंडा पडत असून, भविष्यात इतर पक्षही अशाच प्रकारे जागेची मागणी करू शकतात, अशी भीती पवारांनी व्यक्त केली आहे. या संपूर्ण प्रकरणाची योग्य ती चौकशी व्हावी आणि प्रशासनाने पारदर्शकता दाखवावी, अशी मागणी त्यांनी केली आहे.