Uddhav's Jibe: 'मोदी-शहांना Ahmedabad चे महापौर करा, मगच Karnavati नाव बदलेल', उद्धव ठाकरेंचा टोला

शिवसेना (UBT) पक्षप्रमुख उद्धव ठाकरे यांनी भाजपवर जोरदार टीका केली आहे, पक्षाला 'भ्रष्टाचारी जनता पार्टी' म्हटले आहे आणि शेतकऱ्यांच्या प्रश्नांवरून सरकारला धारेवर धरले आहे. 'संघात चर्चा आहे की मोदी किंवा अमित शहांना परत अहमदाबादचे महापौर करून त्यांच्याकडनं अहमदाबादचं नामांतर करण्याचा प्रस्ताव घ्यायचा,' असा टोला उद्धव ठाकरे यांनी लगावला. दहा वर्षे पंतप्रधान आणि पाच वर्षे गृहमंत्री राहूनही मोदी-शहा त्यांच्या गृहशहराचे नाव बदलू शकले नाहीत, असे ते म्हणाले. ठाकरे यांनी शक्तीपीठ महामार्गाला विरोध करणाऱ्या शेतकऱ्यांना आपला पूर्ण पाठिंबा जाहीर केला आहे. तसेच, भ्रष्टाचाऱ्यांना पक्षात घेऊन राजमान्यता देणाऱ्यांना 'वंदे मातरम्' म्हणण्याचा अधिकार नाही, असेही ते म्हणाले.