Jogeshwari Fire : जेएमएस बिजनेस सेंटरमध्ये भीषण आग, काही जण अडकले, VIDEO समोर

मुंबईतील जोगेश्वरी पश्चिमेकडील जेएमएस बिझनेस सेंटरला (JMS Business Centre) आज सकाळी भीषण आग लागली. या हायराईज इमारतीच्या सातव्या मजल्यावर आग लागली असून, अनेक लोक आत अडकल्याची भीती व्यक्त केली जात आहे. ‘काही लोक अडकल्याची माहिती आहे,’ असे आगीच्या घटनेनंतर समोर आलेल्या वृत्तांमधून कळत आहे. अग्निशमन दलाच्या गाड्या घटनास्थळी दाखल झाल्या असून आग विझवण्यासाठी आणि अडकलेल्या लोकांना बाहेर काढण्यासाठी युद्धपातळीवर प्रयत्न सुरू आहेत. ही एक कॉर्पोरेट इमारत असून आतमध्ये अनेक कार्यालये आहेत. इमारतीला काचेची Fassade असल्यामुळे आणि आग उंचीवर असल्यामुळे बचावकार्यात मोठे आव्हान निर्माण झाले आहे. क्रेनच्या साहाय्याने अग्निशमन दलाचे जवान आग विझवण्याचे प्रयत्न करत आहेत. आगीचे नेमके कारण अद्याप अस्पष्ट असले तरी शॉर्ट सर्किटमुळे आग लागल्याचा प्राथमिक अंदाज आहे. सध्या संपूर्ण परिसर रिकामा करण्यात आला असून बचावकार्य वेगाने सुरू आहे.