Thane Politics: 'अभी नहीं तो कभी नहीं', ठाण्यात BJP चा स्वबळाचा नारा; शिंदेंसमोर मोठा पेच!

ठाणे महापालिका निवडणुकीच्या (Thane Municipal Corporation Elections) पार्श्वभूमीवर महायुतीत (Mahayuti) मोठा तणाव निर्माण झाला आहे. मुख्यमंत्री एकनाथ शिंदे (Eknath Shinde) यांच्या बालेकिल्ल्यातच भाजप (BJP) आणि शिवसेनेत (Shiv Sena) स्वबळाचा नारा घुमत आहे. भाजप नेते संजय केळकर (Sanjay Kelkar) आणि शिवसेना नेते नरेश म्हस्के (Naresh Mhaske) यांच्यात दावे-प्रतिदावे सुरू आहेत. 'आपकी बार सत्तर पार आणि भाजपचाच महापौर', असा थेट नारा भाजपच्या बैठकीत देण्यात आला. यानंतर शिवसेनेच्या बैठकीतही भाजपविरोधात नाराजीचा सूर पाहायला मिळाला आणि स्वबळावर लढण्याचा आग्रह धरण्यात आला. शिवसेना नेते नरेश म्हस्के यांनी आमच्याकडे ८५ नगरसेवक असल्याचे सांगत, युती न झाल्यास लढण्याची तयारी असल्याचे म्हटले आहे. दुसरीकडे, उपमुख्यमंत्री एकनाथ शिंदे यांनी मात्र कार्यकर्त्यांच्या भावना असतात, पण महायुती म्हणूनच निवडणुका लढवू, असे सांगत वादावर पडदा टाकण्याचा प्रयत्न केला आहे.