Maharashtra Politics: महायुतीतील मंत्र्यांच्या कामाचं ऑडिट होणार

राज्यात महायुती सरकारच्या वर्षपूर्तीनंतर सर्व मंत्र्यांच्या कामाचे ऑडिट होणार असल्याची माहिती सूत्रांनी दिली आहे, मात्र गुजरातप्रमाणे तूर्तास कोणताही संपूर्ण मंत्रिमंडळ बदल केला जाणार नाही. 'मतदार याद्यांवरून टीका करणाऱ्या विरोधकांना आता त्यांच्याच पद्धतीनं उत्तरं दिली जाणार आहेत,' या भूमिकेतून भाजप आक्रमक झाले आहे. लोकसभा निवडणुकीमध्ये महाविकास आघाडीला कसा फायदा झाला, याच्या पुराव्यासकट याद्या भाजप लवकरच बाहेर काढणार असून, मविआच्या टीकेला जोरदार प्रत्युत्तर देण्याची तयारी सुरु केली आहे.