Voter List Fraud: निवडणूक आयोगाविरोधात विरोधकांचा 1 नोव्हेंबरला एल्गार

राज्यातील मतदार यादीतील घोळावरून विरोधी पक्ष एकवटले असून त्यांनी निवडणूक आयोगाविरोधात (Election Commission) मोर्चाची हाक दिली आहे. या मोर्चाचे नेतृत्व शरद पवार (Sharad Pawar), उद्धव ठाकरे (Uddhav Thackeray) आणि राज ठाकरे (Raj Thackeray) करणार आहेत. 'मतदारांची ताकद देशाच्या पंतप्रधानांना, गृहमंत्र्यांना आणि निवडणूक आयोगाला दाखवली जाईल,' असा थेट इशारा विरोधकांनी दिला आहे. पुरावे देऊनही निवडणूक आयोग बोगस मतदारांवर कारवाई करत नसल्याचा आरोप विरोधकांनी केला आहे. त्यामुळे आयोगाच्या डोळ्यात अंजन घालण्यासाठी १ नोव्हेंबर रोजी मुंबईत सर्वपक्षीय विराट मोर्चा काढण्यात येणार असल्याचे पत्रकार परिषदेत जाहीर करण्यात आले. या मोर्चामध्ये महाराष्ट्र नवनिर्माण सेना (MNS) पूर्ण ताकदीने सहभागी होणार असल्याचेही स्पष्ट करण्यात आले आहे, ज्यामुळे या आंदोलनाला अधिक महत्त्व प्राप्त झाले आहे.